أتـحـصّـن مـيــر مـاعـنـدي مـنـاعــه
ــــــــــــــــــــــــــــ يسـتـر الله مــن دواي ومــن طبيـبـي
خاطـري مشحـون مـن كثـر إلتياعـه
ــــــــــــــــــــــــــــ يجحـد العلّـه وأنـا جـرحـي عطيـبـي

منكسـر مـا بـيـن حبـسـه وإندفـاعـه
ــــــــــــــــــــــــــــ و واقـف ٍ بـيـن المـنـادي والمجيـبـي

وأنـت يـا اللـي بينـي وبينـك طماعـه
ــــــــــــــــــــــــــــ لا تسلّمـنـي ظنـونـي وأتـغـدي بـــي

فـرّد جـروحـي لـيـا جـاتـك جمـاعـه
ــــــــــــــــــــــــــــ ولا تخليّـهـا تجـمّـع لـيـن أطـيـبـي ؟

لا تجامـلـنـي وحـبــك عـــن قـنـاعـه
ــــــــــــــــــــــــــــ مـا غصبـتـك بالمحـبّـه تنتـحـي بــي

فيـك روعــه للـغـرام .. ومـنـك راعــه
ــــــــــــــــــــــــــــ وأصدق العشّـاق مقطـوع النصيبـي !

سـمّ وأسلـم وأبشـر وسمـع ٍ وطاعـه
ــــــــــــــــــــــــــــ ضارب ٍ سمعي على صوتـك صليبـي

راح قلبي مثل أخـوك مـن الرضاعـه
ــــــــــــــــــــــــــــ ورحــت عـنـيّ لا بعـيـد ولا قـريـبـي

مـا لحقنـي شـك غيـر مــن القطـاعـه
ــــــــــــــــــــــــــــ يا الله أقطع ف الهوى شكيّ وريبي

لا تـقـول الـحـبّ يبـغـا لــه شـجـاعـه
ــــــــــــــــــــــــــــ وأنت يا طيبك .. وأنا يا طيب طيبي !

حـافــظ ٍ تـاريــخ مـيــلادك وداعــــه
ــــــــــــــــــــــــــــ والزمـان يـدور والعـمـر يـعـدي بــي

كـل عــام وكــل يــوم وكــل سـاعـه
ــــــــــــــــــــــــــــ وأنـت طيـبّ ومتعـافـي يــا حبيـبـي

وألاّ أنـا عمـري يخلـف الله ضيـاعـه
ــــــــــــــــــــــــــــ كـلّ مـا عيّـد شبابـي .. عـاد شيـبـي

سـيّــدي كـــل ٍ بطـبـعـه وإنـطـبـاعـه
ــــــــــــــــــــــــــــ كـان مـا طريّـت جيبـك طـرّ جيبـي ؟

وأعتبرنـي شاعـر وراعــي بضـاعـه
ــــــــــــــــــــــــــــ يابس ٍ عرقي على الغصـن الرطيبـي

إستمـع لـي والشـعـر مـثـل الـوداعـه
ــــــــــــــــــــــــــــ يحتمـيـهـا راعـــي الـعـقـل اللبـيـبـي

وأن سمعت اللي يطيب إلك إستماعه
ــــــــــــــــــــــــــــ قـول صــح لـسـان ســداح العتيـبـي

""""""""""""""""""""""""""""""""""""""
علّـمـوا مـسـؤل تـحـريـر الصحـيـفـه

لا يـحـررّ غـيـر الأخـبــار الـجــدادي
لـــو يسجّـلـهـا عـلــى زلّ وقطـيـفـه
الـمـهـمّ يــــدوّن الـعـلــم الــوكــادي
الجرايـد توجـس مـن الوضـع خيـفـه
والـقــنــوات الـفـضـائـيـة تـــنـــادي
مـــن يـعــدّي بالمـراقـيـب المنـيـفـه
الهـوايـم شافـهـا فـــي كـــل وادي
عـاشــوا الـثــوار والـثــوره كلـيـفـه
والمنامـه وضعهـا مـاهـوب عــادي
الـروافـض فــي بــلاد أبــن خليـفـه
واقـفــه بـيــن الفـتـيـلـه والــزنــادي
كــل منـهـم غـاسـل ٍ وجـهـه بلـيـفـه
يدفعـه مـن شــرق ذعــذاع الـبـرادي
يقطـع الـشـارع بسـاطـوره وسيـفـه
ويضرب القانون في عرض المبادي
يـدّعــي بـالـحـق والـبـاطـل رديـفــه
مـلّـتـه مـالــت لـتـرويــع الـعـبــادي
الـخـوارج عـــن مذاهـبـنـا النظـيـفـه
مالهـم فــي دينـنـا غـيـر الجـهـادي
الـذريـعـه عـنـدهـم بـيــت و وظـيـفـه
والحقيـقـه واضـحـه والـنـور بـــادي
عابـثـيـن ولـــو نـوايـاهـم شـريـفــه
كـان طاعـوا مـن دعاهـم للرشـادي
آيــــة الله يــــوم شـكـلّـهـم بـكـيـفـه
الخميـنـي تـحـتـزم بـــه للـثـنـادي !!
أسحبـوا جنسـيّـة النـجـس وحليـفـه
وأرسلـوا جنسيّـتـه لأحـمـد نـجـادي
مـا يسـود الأمــن والسلـطـه ضعيـفـه
العـمـايـم كـبّــرت روس الأعـــادي
"""""""""""""""""""""""""""""""""""""""""""""" ""
خـلّ السيـاسـه تستـعـدّ وتستـريـح وتستـديـر
يـا موجـز الأخبـار سلّـم لـي عـلـى تفصيلـهـا
،
مانيب يمّ اللّي حصل واللّي بعـد يمكـن يصيـر
جـوارحـي مشغـولـه بمنتـوقـة ٍ تـومــي لـهــا
،
الجـادل اللـي تلّـنـي لعيونـهـا سـلـك الحـريـر
قامت محاجرها تحاصرنـي وتسـرج خيلهـا
،
أفرد لها صدري وأقلّطها على الضلع القصير
حطيتـهـا بـيـن الضـلـوع ولا قــدرت أشيـلـهـا
،
الله خلقهـا عـن بنـات الجيـل فيهـا طبـع غيـر
والطبـع خلاّهـا بعيـنـي فـارقـه عــن جيلـهـا
،
بالشكل والمضمون فازت ربّة الحسـن المثيـر
واللي تنافسها على عرش الحلا يـا حليلهـا !
،
أحبّهـا .. والحـبّ مستكبـر وأنـا قلبـي كبيـر
يمنعني أحكي عن غرابيل الهوى وأشكيلهـا
،
أخشى عليها من زمـان ٍ فيـه شـرّ وفيـه خيـر
وأخـاف منـهـا بـيـن عــدلات اللـيـال وميلـهـا
،
إليا عرض لي طيفهـا خبيّـت مكنـون الضميـر
وغمضّت عيني ثم نطقت بهمس .. يا حبيّ لها
"""""""""""""""""""""""""""""""""""""""""""""""""" ""
واهـنــي ّ الـلــي ضـمـيـره مـسـتـريـح ولا تـعـنّــا
مـــا يـحـطّــه بــيــن دورات الــزمــان ولا يـشـيـلـه

يصبـح ويمسـي .. ويلقـى فــي حيـاتـه مــا تمـنّـا
تحـتـه الـفـرشـه حـريــر .. وفـوقــه الـفـيّـه ظلـيـلـه

والله أنّـــي يـــوم أمـيّــز وأتـفـكّـر فـــي زمــنّــا
كثروا أصحاب الفضول .. وقلوّا أصحـاب الفضيلـه

الـتـطــوّر يــــوم جــــاب التـقـنـيـه مــنّـــا ومــنّـــا
ولّعـتـنـا لــيــن سـلّـمـنـا عــلــى خــشــم الفـتـيـلـه

وشبكـة الـنـتّ الكبـيـره عـقـب حـلّـت فــي وطـنّـا
عنكبتنـا مــن فصيـلـه فــي فصيـلـه فــي فصيـلـه

نجتمـع فـي الشاشـه اللـي نورهـا الساطـع فتنّـا
وطـاولـتـنـا مـسـتـديـره والـكـراســي مستـطـيـلـه

أبـتـدت غــزوات الانـتـر .. وأنتـهـت غــزوة مهـنّـا
مـــا نـريــد الـغــزو الاول عـقــب ورّدنــــا بـديـلــه

يوتيوب .. وفوتوشوب .. وفيس بوك .. و يا الله إنّا
فـي رجـاك وفـي حجـاك عـن الفضيحـه والفشيلـه

القبيـلـي يـــوم شـمّــر عـــن ذراعـــه قـــال حـنّــا
مــن زحــول العولـمـه لــو يـذبــح سـلــوم القبـيـلـه

قـفّــل الـغـرفـه عـلـيـه ودردش وفـرفــش وغـنّــا
وقــام يـرقـص للـعـلـوم الـخـاثـره ويـشــدّ حـيـلـه

شيبـت فـي نصـف راسـه .. صـورة الكـف المحـنّـا
وشيبّت فـي النصـف الآخـر صـورة العيـن الكحيلـه

مـن بـرب .. لبـاك ولـكـم .. شامـنـا صـافـح يمـنّـا
هـكـذا عــاش التـواصـل بينـنـا بـأهــون وسـيـلـه

يـــا مـحــرّف بالـحـقـايـق لا تــــردّ الـعـلــم عــنّــا
يــوم قـلـت الـذيـب عـــوّد يـومــي بـراســه وذيـلــه

نـتـبــرّا مــــن بــلانــا .. والــبــلا فـيــنــا ومــنّـــا
ونـتـذرّا فــي خطـانـا .. والخـطـا نخـلـي سبيـلـه !
"""""""""""""""""""""""""""""""""""""""""""""" """"
فصل الشتـاء ردّ السـلام وسـاق ذعـذاع البـراد
ورحّبت بـه .. وأنـا الهبـوب البـارده محتاجهـا

لعلّـهـا تـطـرق عـلـى صــدري بهـبّـات ٍ جـــداد
وضلوع صدري مـا يعدلّهـا سـوى مـن عاجهـا

شاعـر لـيـا غنـيّـت مــا بـيـن الفتيـلـه والـزنـاد
شبـيّـت نــار ٍ مــن سنـاهـا يفتـخـر وهّاجـهـا

مـاهــو تـكـبـرّ والله المـتـكـبـرّ وربّ الـعـبــاد
مـيـر العـبـاد فروقـهـا تبـيـن فــي منهـاجـهـا

أحد ٍ علـى راس الجبـل وأحـد ٍ يهيـم بكـلّ واد
وأحـد ٍ سـوات الهامـل اللـي كـل ديـره داجهـا

وأنا ليا منّي ضميت وجيت .. لـي شـفّ ومـراد
أعــرف عــدود البـاديـه وآرد عـلـى هـدّاجـهـا

يـا ناشـد الركبـان لـو يعطونـك العلـم الـوكـاد
النـشـرة الاولــى كــذب تقديمـهـا وإخراجـهـا

عـيـن الحقيـقـه لــو نخليّـهـا تـحـت ذرّ الـرمـاد
شابت وقام الزيـف ينتـف رمشهـا و حجاجهـا

أزمة ديون دبي ماهي مشكلـه .. كبـوة جـواد
عثـره تعالجهـا الرجـال اللـي تعـرف علاجهـا

الغـرب كبرّهـا وطـارت مــن بــلاد إلـيـا بــلاد
وأهل الحسد معها على الدبكه تهيج أمواجها

يا مكبريّن المعضله فـي ظـلّ شـرخ الاقتصـاد
تــرا حـقـول النـفـط لازالــت تـضــخّ إنتـاجـهـا

رغم الكساد العالمي عاشت دبيّ .. بلا كسـاد
الله يـخـلــيّ لـلـيــال الـمـظـلـمـات سـراجــهــا

أسواقها مـال وذهـب ماهيـب تعـرض للمـزاد
هي درة الشرق وعليها الناس شوف أفواجها

لا باس يا برج العرب يا اللي عليـك الغبـن زاد
اقولهـا والله يبـارك فـي العـرب وأبراجـهـا !! """""""""""""""""""""""""""""""""""""""""""""""""" """""""""""















.
.