يــا حبيـبـي والـغــلا بـالــه وسـيــع
ويـتـحـمّـل لــــو تـضـيــق الـخــطّــرا

.حمـلـك الـلـي تنقـلـه حـمــل ٍ وديـــع
مـا يـضـرّك لــو طــرا لــك مــا طــرا

.وألاّ قلـبـي شــال مـــالا يستـطـيـع
كــــل لـيـلــه لا بــــدا لـيـلــه ســـــرا

.يدفعـه صفـق الهـوى مـع كـل ريــع
ـ ســابــح ٍ بــيــن الـثــريّــا والــثـــرا

.كـل مـا جسّيـت لــه نـبـض ٍ سـريـع
قـامــت ضـلـوعـي تـضـمـه وانـفــرا

.الـمـحـبـه قــدرهــا قــــدر ٍ رفــيــع
وأنت ألـم تسمـع بهـا .. وألـم تـرا ؟

.فتّحـت فــي صــدري ورود الربـيـع
وكــل ورده تخـبـرك عـــن مـاجــرا

.اتـجـمـدّ شـــوق لـعـيـونـك وأمــيــع
وأدفـع أشواقـي وتمشـي لـك سِـرا

.كيف أساوم ف الغلا وأشري وأبيع
والـهــوى مـافـيـه بـيــع ومـشـتــرا

.اتفـقـنـا نـبـكـي ونـضـحـك جـمـيـع
وأختلفـنـا عـقـب ماصـرنـا خـشــرا

.قمـت تجرحنـي وانـا ســدي منـيـع
أبتـسـم وأضـحـك وجـرحـي مـابـرا

.الـوداعــه مـعــك امــانــه لاتـضـيــع
شــف لـهـا عــن لاهــب الفـرقـا ذرا

.والهـوى لـو يعـرف الرجـل الشجيـع

ـ مـــا وقــــف قّــدامــه ودفّــــه ورا !

""""""""""""""""""""""""""""""""""""""

يا طيـر غـرّد للهـوى وأنفـض الريـش
لازالـــت أنــســام الـهـبـايـب لـطـيـفـه

والجـوّ هـادي لـو دخـل فيـه تشويـش
ومـشـاعـرك مـاهـيـب دايـــم رهـيـفـه

لا يختـلـف لـونـك فــدوك الخفـافـيـش
الـلـي تـحـت جـنـح الـغــداري لفـيـفـه

مـا تنتهـي نـشـرة عـلـوم المطـاريـش
والـلـي مـعــه عـلــم ٍ جـديــد ٍ يضـيـفـه

الغاويـه جــاء مــن وراهــا دراويــش
واحدهم أسود وجه .. وأسـود صحيفـه

تـنـكـروّا لـلـجـار والـمـلـح والـعـيـش
مــا عنـدهـم غـيــر الخـيـانـه وظـيـفـه

سلامـة الـحـدّ الجنـوبـي مــن الطـيـش
ومــن العـبـث والشـرذمـات الضعـيـفـه

مـدري فلـول الشـرّ تنقـز علـى ويــش
وشيطانـهـا الاكـبـر يـصـيـح لحلـيـفـه

روس الزيـود اللـي مافيهـا عراميـش
قامـت تعرمـش بـيـن جيـفـه وجيـفـه !

يا الحوثي اللي معك رشـاش حتّيـش
هـات الرصاصـه وأخـذ عنـهـا قذيـفـه

غشّـاش مـا تحتـاج للزيـف تغشـيـش
والـواقـع المشـهـود مكـشـوف زيـفــه

المملـكـه ماهـيـب مـرعـى كـداديـش
الـلــي تـــزوزي بالـحـمـول الخفـيـفـه

مهبـط وحـي ربّـي علـى سيّـد قريـش
نـقــدّســه .. ومـقـدّســاتــه شــريــفــه

حبّـه مـثـل وبــل الـمـزون المراهـيـش
للمسلـمـيـن أهـــل الـقـلـوب النـظـيـفـه

ما فيه ضيفة قات .. وضيوف تحشيش
و الـديـن قـاصـر والمـذاهـب سخـيـفـه

لا والله إلاّ دار روس الــمــداغـــيـــش
يـكـرم معزّبـهـا .. ومـحـشـوم ضـيـفـه

يـا قايـد الشرطـه ويـا قـايـد الجـيـش
أمــانــة ٍ مــــن بـيـنـكــم بالـنـصـيـفـه

حـدّ الوطـن ماهـوب مسـرح تناويـش
وأنـتــم كـفــو للمـعـضـلات الكـلـيـفـه

حطـوّا عليـه سيـاج وأبــراج تفتـيـش
بـيــن الـعـيـون المـبـصـره والكـفـيـفـه

و لا تـرحـمـون مكـبـريّـن الطـرابـيـش
أبــدوا لـهـم فـــوق الـجـبـال المنـيـفـه

تعـيـش يـــا دار المنـاعـيـر ويـعـيـش
الـلـي وقــف مــن دون حــدّك بسـيـفـه
واقـلـبـي الــلــي غــــدا لـلـهــمّ لـعـبـوبـه
فــي غبّـتـه .. كــلّ مــا يرمـيـه يرميـنـي

يلـعـب ّ بــه ولعبـتـه مـاهـيـب محـسـوبـه
هــــم ٍ يصـبّـحـنـي .. وهــــم ٍ يمـسـيـنـي

والصـبـر لــو يزهـمـه مــا يلتـفـت صـوبـه
الله يـجـيــره مــــن الــهــمّ ويـعـافـيـنـي

أستـغـفـر الله .. بـيــن الــذنــب والـتـوبــه
وأعــوذ بالله .. مـــن شـــرّ الشياطـيـنـي

وهّــاب خلـقـه .. ومـنـه الخـلـق موهـوبـه
وأنـا لــو أجـحـد نعيـمـه .. تـبّـت يديـنـي

لـو يرتـفـع ضـغـط دمّــي فــوق منسـوبـه
ـ قـامـت تـزيـد الـحـراره فــي شرايـيـنـي

غنـيّـت والشّـعـر مـــا ضـيّـعـت مـاجـوبـه
وجريّـت صوتـي مـع أصـوات المغنيـنـي

شلتـه فـي عينـي وراسـي جـاب مطلوبـه
ولا هان من راسي .. ولا طاح من عيني !

ميـر أفسحـوا لـي مجـال .. أفـرّ دالـوبـه
عـن آخــر أخـبـار وأحــداث المياديـنـي

إلـــى مـتــى وأمـــة مـحـمــد بغـيـبـوبـه
وإنعـاشـهـا مـيّــت .. ولا لـــه براهـيـنـي
تـجـرّد الـــذلّ مـعـهـا .. وألـبـسـت ثـوبــه
وجـاتـك بـعــد ثـوبـهـا الأوّل بثوبـيـنـي !

راحــت فلسـطـيـن مـأكـولـه ومـشـروبـه
ـعـذاب الأقصـى .. مــن الـقـوم المواليـنـي

يــا غــزّه الـعـزّه الـلــي مـنــك منـهـوبـه
ـ أخـذي عوضـهـا مــن الزيـتـون والتّيـنـي

وينـك و ويـن الـفـرج .. والـنـار مشبـوبـه
بيـن الفلسطيـنـي .. وبـيـن الفلسطيـنـي !!

( حمـاس ) يزمـر علـيـك وينـفـخ ذروبــه
ويــرزّ ( فـتــح ) الـبـيـارق والنياشـيـنـي

شــلّــة زلــمــات ود وهــــات والـكـوبــه
بالـديـن تلـعـب .. وتـرفـع رايــة الـديـنـي

تـسـلـطّـوا لــيــن كــــل ٍ قــــام مـنـدوبــه
يـصــرّح ولعـنـبـوهـم مــــن سـلاطـيـنـي

الخـايـن الـلـي يـغـش الـنـاس بأسلـوبـه
سياسـتـه واضـحـه شـكــل ومضامـيـنـي

الــــدار مسـتـعـمـره والأرض مـسـلـوبــه
ـ والشـعـب مـغـبـون والـقــاده مجانـيـنـي

وأنتـي مـن اللـي تضحّـوا لـه وضحـوّ بــه
تنـثـر عـلـى دمـــك زهـــور البساتـيـنـي

وحسني مبارك نفـض مـن حالـك جيوبـه
ومعـبـر رفـــح قـفـلّـه بـيــن الفريقـيـنـي

وأطلق شنب فـي العـرب يمنـاه معطوبـه
لــو يحـتـزم بالـسـيـوف وبالسكاكـيـنـي

حـتـى غديـتـي عـلـى صهـيـون مجـلـوبـه
( ومـن دون ملعـون بـذّتـك الملاعيـنـي ! )

وقـامـت علـيـك الـيـهـود تـفــكّ الأنـبـوبـه
ـبالقصـف والعصـف بيـن العسـر والليـنـي

الـعــلّــه الـبـاطـنـيّـه فــيـــك مـصـبــوبــه
مـيـر أنـزعـي شـرّهـا حـتـى تشافيـنـي

نستـنـكـر الـــداب وإلا نـشـجـب جـنـوبـه
نبقـى علـى حالنـا مـن حــرب تشريـنـي

عــز الله أنــك عـلـى مــا قـيـل منـكـوبـه
وعـزّ الله أنّـا عـلـى قـولـك مساكيـنـي
"""""""""""""""""""""

الـطـاولـه مـــن قـديــم الـوقــت مـقـلـوبـه
خــل الكـراسـي تــدور وفالـهـا شـيـنـي