علـى هونـك لا تآخذنـي مـن المسـمـوح للممـنـوع
تــرا مانـيـب سـامـح لــك عـلـى كيـفـك تمشـيّـنـي

بـعـد مــا جـابـك الله وأبـتـديـت تـنـفّـذ الـمـشـروع
حصـل عنـدك خـلـل فـنـيّ .. وقــرّن الموازيـنـي

تغافلنـي تحسـب أنّـي مغفّـل يـوم أجـي لـك طـوع
تنـاديـنـي ولـــك حـــق الـزمـالـه يــــا مـنـاديـنـي

وأنـا خابـر وحبـلـي مـعـك لا مثـنـي ولامـربـوع
أبـغــمّــض عـيــونــي لا تـكـحّـلـهـا وتـعـمـيـنــي

تطـامـر والبـلـد عـامـر بنـاسـه والـعـلـم مـرفــوع
ولا أدري وش يـحــدك بـــدّ خـلــق الله تبـاريـنـي

أنا ما قلـت ولّـع فـي سمـاي مـن الشمـوع شمـوع
بــلا دسـتـور ولّـعـت الشـمـوع وجـيـت ناصيـنـي

تـدلّــع مـــا تـدلّــع مـانــي الـلــي يـتـبـع الـدلّــوع
ومـنـطـوق الـدلــع مـــا يـصـلــح إلاّ للمحـبـيـنـي

صحيح اني ما أعرف أليّن اسلوبي وصلف طبوع
لـكـنـيّ مـــا تـجــاوزت الـضـوابـط والقـوانـيـنـي

مجملّ لا تقـول أنـي بمـوت مـن الضمـا والجـوع
أعـــرف الـلــي يجمـلّـنـي ويشبـعـنـي ويـرويـنـي

بـدا مانيـب قايـل طحـت مـن عينـي ولا لـك روع
وش اللي جابك بعيني عشـان تطيـح مـن عينـي ؟

لكنّ أجمع حسابـك وأن جمعتـه عطنـي المجمـوع
أبـشـوف الحـسـاب الـلـي تشـوفـه بـيـنـك وبـيـنـي

بعدها .. طـوّل الموضـوع وإلاّ قصّـر الموضـوع
وسلّـم لـي عـلـى عـمـرك لــو أنّــك مــا تدانيـنـي


"""""""""""""""""""""""""""""""""""""""""""""""""" """"""""""""
ريّـحـونـا يـــا ملجـلـجـة الحـسـاسـي
الحـلـوق الـعـوج مــا نـفـهـم لـغـاهـا
*
مـا لعـب بأصواتكـم غيـر الحمـاسـي
كـل مـا لـجّـت حمسـهـا وأشتـواهـا !
*
خلـوّا الكـوره عـلـى خــطّ التمـاسـي
والجماهـيـر الغـفـيـره مـــن وراهـــا
*
الـمــدرّج مـــا عـلـيـه إلاّ الـكـراسـي
والـكـراسـي ثـابـتـه بـالـلّـي عـلاهــا
*
و السـوالـف ليّـنـه والـوقـت قـاســي
واللـيـالـي ثــــارت ودارت رحــاهــا
*
وحظّي اللي لا أنتهض طاح متواسي
كـم نهـض لــه نهـضـة ٍ تـبّـت يـداهـا
*
فـي مطيـحـه حـطّـم الـرقـم القيـاسـي
يستـحـقّ الـجـايـزه لـــو مـــا بغاهــا
*
الهبايـب ذعـذعـت فــي مــخّ راســي
كــل هـبّـه تمـسـك بـراسـي سـراهــا
*
والـسـؤال الـلـي جـوابـه دبلومـاسـي
كيـف طـار الطيـر بالبـيـر وغطـاهـا
*
آه يـــا قـلــبٍ عـلـيـه الـهــمّ راســـي
وآه يــا محـجـر عـيـون ٍ فــاح مـاهـا
*
مـن يعلّـم حـارس القـصـر الريـاسـي
بالعـلـوم الـلــي تـغـيـض بمحـتـواهـا
*
السيـاسـه فـــنّ والـشـاعـر سـيـاسـي
يـا طويـل العمـر خــذ مـنّـي حـداهـا
*
قـام يدفعـنـي عـلـى الممـنـوع يـاسـي
و الحـكـومـه فـــي تخبّـطـهـا تـبـاهـا
*
تعرف أمـراض الدواجـن والبساسـي
وعلّـة الخنـزيـر مــا تـعـرف دواهــا
*
كــان عـيّـت تفـهـق الـعـام الـدراسـي

"""""""""""""""""""""""""""""""""""""""""""""""""" """""""""

يـاهـلال عـيـد الفـطـر يـسـعـد لـــي مـســاك
هـــــلّ .. وتـبـاشـيــر الــســعــاده هــلّــهــا

أنـقــز عـلانــا .. قــبــل لا نـنـقــز عــــلاك
إلـــيــــا نــقــزنـــا لـلــســمــاء نـاصــلّــهــا
...
أشغلـتـنـا فـــوق أرضـنــا وأنـــت بـسـمــاك
وأن راقــبــتــك عـيـونــنــا يــــــا مــلّــهـــا

نـعـيـش فـوضــى مـــع قـدومــك وإرتـبــاك
الـيـابـســه فـــــاض الـبــحــر مـــــا بـلّــهــا

أســواقـــنـــا مــزحـــومـــه بــــهــــذا وذاك
وبــضــايــع الــتــجــار جــــــات بـحـلّــهــا

يـا هـلال صـار السـوق غالـي مــن غــلاك
أصـبــحــت شـمــاعــه نــعــيــش بـظـلّــهــا

حـتــى الـمـسـارح مستمـيـلـه مـــع هــــواك
تــرقــص لــــك ومـــــن مــرّهـــا طـبـلّـهــا

ضـالـوا علـيـك المطـربـيـن ومـــن ســـواك
يــقـــدر لــيـــا ضـــــمّ الــعــبــاد يـفـلّــهــا !

مــــا كــنّــك إلا مـبـتــدا شــهــر الــهـــلاك
نــعـــوذ مـــــن خــلـــق ٍ تــغــيّــر دلّـــهـــا

إلـيــا نـصـحـت الــنــاس قــالــوا رح وراك
وأتـــــرك صـــــلاة الـعــيــد وإلاّ صـلّــهــا

ضـاعــت معـانـيـك وغـشـانـا مـــا غـشــاك
وبـــــادت مـلابـسـنــا الـجــديــده كــلّــهــا !
"""""""""""""""""""""""""""""""""""""""""""""""""" """""""""""
جنادرية رياض المجد مشهوره
منهال فن التراث ورمز عنوانه

طغى عليها خلف هذال بحضوره
يا كثر ناس ٍ تتابعها علشانه
...
خمس وثلاثين عام وصوته أسطوره
الحفل نبرات صوته هزت أركانه

يخدّر متابعه .. بالصوت والصوره
ويستحوذ إعجاب حساده وعدوانه

شاعر وخدام بيت الله جمهوره
يسلب عقول الملوك بنظم قيفانه

والشّعر من صغر سنه سابح بحوره
يغوص في غبته ويعانق الدانه

ملاحمه في جدار الوقت محفوره
تاريخ محفوظ بشهوده وبرهانه

شاعر وطن والوطن لو كثرت طيوره
ما كلّ شاعر وطن صح الله لسانه !

قبل القنوات تعرض كل مغموره
ومسابقة .. صوّتوا لفلان وفلانه

جولاته الأوّله ماهيب مقصوره
وصولاته التاليه ماهيب منهانه

يطرق لحون السياسه حسب منظوره
عالج قضايا العباد بنوتة الحانه

الله يجيره في وقت ٍ زادت عثوره
قدّم جميله وعيّت صحة ابدانه

و الله يحفظه عدد ما ترجم شعوره
واعداد ما قدّم المعروف بإحسانه

علق لواء فوق متنه واكتمل دوره
واليوم نزّل مقصاّته وتيجانه

وجنادرية رياض المجد معذوره
بعد تقاعد لواها .. مالها خانه !!
"""""""""""""""""""""""""""""""""""""""""""""""""" """"""

لا تنشدينـي ليـه مـا أحـبّ ألتفـت يمّـك يــا ريــم
صـدّي وخلـيّ شـرهـة عيـونـي عـلـى حجّانـهـا

هـل تعلميـن أنّ الـهـوى نوعـيـن شــدّاد ومقـيـم
وأن المـحـبّـه تـخـتـلـف بأشـكـالـهـا وألـوانـهــا
...
ما ترجف قلوب الرجال .. إلاّ من عيون الحريم
هـــاذي طبـيـعـة والطبـيـعـة ثـابــت ٍ برهـانـهـا

والله خلق صـدري عـوج ضلعـه وقلبـي مستقيـم
وأخــاف ربــيّ والـذنــوب مـشـمّـره ذرعـانـهـا

شاعـر لكنّـي مالقيـت الـوادي الـلـي فـيـه أهـيـم
عـيّـت لا تفـتـح لــي شواعـيـر النـبـط وديـانـهـا

أشرفت في راس الجبل وأسرفت من شمّ النسيـم
مـا فيـه هبّـة ريـح مــا جــرّت عـلـيّ ألحانـهـا !
""""""""""""""""""""""""""
حــبــيــبــتــي .. حـــبّـــهــــا مـــجــــنــــون
والـــعــــقــــل قــــفــــلــــه ومـــفـــتـــاحـــه

يا بلطجيّه .. وشبّيحه
حرية الراي مكفولـه

رحتوا وجيتوا على الريحه
وجماجم الروس مغسوله


الشّعب كم حاكم يزيحه
ويبدّل الحكم بالدوله

بشار لو يزعج الصيحه
بعثي ويمناه مغلوله

لو يذكر الله في تسبيحه
ما دكّت المسجد فلوله

مهزوز ما يآمن الطيحه
والشام واقف على طوله

ما فاد بالوضع تصحيحه
للمذبحه يقرع طبوله

طهران تصنع مسابيحه
وحزب الله يخّرز نعوله !

الخير طفّى مصابيحه
وناره من الشرّ مشعوله

لا بدّ للنصـــر تلويحه
يا اللي وصلتوه قولو له

طاحت سلاسل مراجيحه
عسى الفرج يحسم الجوله

يا ويح حزبه ويا ويحه
يجني معه ناتج فعوله
""""""""""""""""""
شاربك محسون يا عبدالحسين
ولحيتك لو هي عوارض غزل شاه

لا تهددني وأنا ضلعي متين
ايه أسبّ الرافضي وألعن ثواه

الكلام اللي على الحق المبين
من يقوله يسلم .. ولا فضّ فاه

والكلام اللي من ابليس اللعين
نلعنه قدام لا نبحث خفاه

مسلمين ولا لكم مذهب ودين
تلبسون الدين ومن شرعه عراه

لا تدوّر عندنا سمن وسمين
مير علّم سيّدك يزحف وراه

الصحابه كلبوهم مكرمين
ما نفرّق في هذاه .. وفي هذاه

وانتم تسبّونهم .. في كل حين
وتجبرون السبّ يآصل منتهاه

وينكم والبيت وآل البيت .. وين
من يحب البيت يحفظ مستواه

الخميني ورّث الحقد الدفين
والفقيه موزّعه بين الولاه !

لين جيتوا من يسار ومن يمين
تمسكون الخط ّ .. عكس الاتجاه

يا مجوسي لا تهيد وتستكين
وآية الله مدخلك تحت العباه

دقّ صدرك .. وإدهنه بالفازلين
قبل تظهر كدمة اللطمة علاه !!
"""""""""""""""""""
يا فلان وش لازمي من قالت فلانه
هرج النساوين ما ني فيه ملزومـي

تقول .. غنّت لك من الشوق طربانه
وأقول .. مالي ومالك يا أم كلثومي
...
أستح على اللحيه اللي ما لها خانه
يا حيف يا شارب ٍ ماهوب محشومي

اللي عروض البشر في حلقه لبانـه
ما عنده إلاّ يعيد الجـدول اليومـي

مثله وشـرواه ودّك يبلـع لسانـه
من شان ما عاد خلف الغافله يومي

الأوّله .. صابته من بيـن حجّانـه
والثانيه .. عن علومه تكرم علومي
"""""""""""""""""""""""""""""""""""""""""""""" """والله ما أتابع شاعر المليونـي
ولا لي معه .. لا حسنه ولا سيّه

عاقبتنـي يـا نافـخ البالونـي
وأبلشتنـي بالنشـده اليوميّـه
...
تقول شفت الشاعـر المجنونـي
يوم أنقزت من عينه الجنيّـه ؟

وأقول شفت أنك على ما لونـي
لاهي .. ما بين الميّته والحيّه !

عندي عباره تشرح المضمونـي
وتناسبـك بالـوزن والقافـيّـه

( مافيه حيله ) مدفع الصهيوني
وأكبر دليل ( الصوره الرمزيّه )"