يا روحي وريحاني عسى صومنا مقبول
ويكتب لك ويكتب لي .. الله غفرانه
أحبك وأخاف الحبّ يخرج عن المعقول
وتروح المحبّه بيننا ما لها خانــــه
...
عشقتك وقلبي عن غرام البني مقفول
ولا غيرك اللي هزّه وفــكّ بيبانه
عيونك تسولف لي وأنا أقول ويش تقول
أترجم كلام العين .. والعين فتانه
دهتني مفاتنها وأنا الشاعر المسؤل
عن الكلمه اللي سببّت عقدة لسانه
من البارحه دقات قلبي صهيل خيول
وشوقي على بحر الوله يعزف ألحانه
أبهديك حنـّا العيد .. يا الجادل المجمول
يميني ليمناك المحنـّاه ولهانــــه