المحبه بحر وأشواقي بواخر
وأن لطمها الموج قامت تستغلّه
ودّها تآصل عيونك ما تواخر
ودرب رمشك قلبي الغرم يدلّه
المشاعر قامت بحبّك تفاخر
كل لغز ٍ يلغز بقلبي تحلّه !
مير يا عذب النبا هاك من الآخر
وأترك الأوّل وخلّه في محلّه
خفـّف من الحبّ بالعشر الآواخر
صدّ عنّي .. وأجتهد في طاعة الله
"""""""""""""""""""""""""""""""""""""""""""""""""" """"""""
يا مـلّ قلـب ٍ مـلّ ف الصـدر واحتـار
ينضـح ومجـرا الـدم يـدفـع نضيـحـه
كبير عرض وطول وضلوعـه قصـار
وأن ضاق ما ضاقت عليـه الفسيحـه
...
مـا كـنّـه ألاّ فـيـه .. صـفـارة إنــذار
أجاهـده مـع كــل نبـضـه وصيـحـه
وأحايـلـه وأعطـيـه تبـريـر وأعــذار
وأفلـح علـى نهـج الوجيـه الفليـحـه
جـاك الـبـرا مــردود للشـعـر شـعّـار
يـا معشـيّ الشاعـر لسـان الذبيـحـه
لي نظرتي ما بين .. وجهات الأنظار
ولاهي على كـل النواحـي صحيحـه
أشـدّ حبـل الفكـر مـن شــان يـنـدار
يطرقنـي الهـاجـوس لاهــبّ ريـحـه
تعبيـر والتعبيـر عــن صـايـر ٍ صــار
أرفـع نظـرهـا واعتبـرهـا نصيـحـه
من موجـز النشـره لتفصيـل الأخبـار
الوقت جـارح .. والنشامـى جريحـه
والمجتمـع شرايحـه .. سـرّ وإجهـار
شريحـة ٍ تضحـك .. وتبكـي شريحـه
يا ربّنـا الأخـلاق فـي هـدم وإعمـار
علـى ثبـات رضـاك بغـضـك تزيـحـه
أهـل العقـول الراجحـه مالهـا كــار
وأهـل العقـول الفـارغـه مستريـحـه
تنقز على الطبله وترقص على الطار
واللـي يطيـح نصّـوره فــي مطيـحـه
خيبه وشقّ ستار .. يـا سوبـر ستـار
جيـتـوا تـجـروّن الـخـزا والفضـيـحـه
مربـاك في الجنّـه ومـثـواك في الـنـار
يا اللي كسبت من الفواحش مديحـه
يا كبـر شرهتنـا علـى حاكـم الـدار
مـنّـصـب الـمـتـرديّـه .. والنـطـيـحـه !
"""""""""""""""""""""""""""""""""""""""""""""""""" """"""""""
البيرق المنكسر
/
/
.
مافيه داعي تهلّ الدمع مـن شانـي
بكره يقولـون ليـه الحـبّ بكيّتـه
.
أنـا تمنيّـت تذكـرنـي وتنسـانـي
وأنته يا ليتك تمنـىّ اللـي تمنيّتـه
.
رسايلك جات .. بين أسمي وعنواني
وتعلّقت بيـن .. ضيّعتـه ودليّتـه ؟
.
بعض البشر لو يدوّرني مـا يلقانـي
وبعض البشر لو يجاذب سيرتي جيته
.
لا تنشغل خلّنـي يـا سيـد خلانـي
استسمحك وقتي اللي معـك مضيّتـه
.
قل فارس الحلم .. خليّتـه وخلانـي
أو قول بالعكس .. خلانـي وخليّتـه
.
ياسيفي ودرعـي وخيلـي وميدانـي
البيرق المنكسـر لرضـاك رزيّتـه
.
أموت من ضيقتي ميـر الله أحيانـي
وجوارحي معك لا حيّـه ولا ميتـه !
.
رغم اني اعاني من الوقت ما اعانـي
صبيّت صبري على جرحي وداويتـه
.
يا اللي تبيها سوى وصلي وهجرانـي
الأوّلـه زلّهـا .. والثانيـه ليـتـه
.
فرشت لك صدري وشلتك في وجداني
وأرتحت في قلبي المفـروش وأذيّتـه
.
في ذمتك لا تراودني علـى أجنانـي
وصلـت حـدّ الجنـان ولا تعديّتـه
.
وان قلت وشجاك مدري منك وشجاني
قطعت حبل المحبّـه يـوم شديّتـه !
.
أراجـع الذاكـره وأكوسـر ألحانـي
وكم طاري ٍ ما نسيته لـو تناسيتـه
.
العام أنا .. مبتلش في عقدة لسانـي
واليوم أنا .. شاعر ٍ ما ينهدم بيتـه
"""""""""""""""""""""""""""""""""""""""""""""""""" """""""""""
تقول عطني وجه وأعطيك وجهين
وملامح الوجهين حبّ وصداقـه
/
وأقول ضفّيهن على ما تقوليـن
تصعب على مثلك شروط العلاقه
.../
شوفي من اللي يتبعون المزايين
صميـدع ٍ للعـب عنـده لياقـه
/
ما تفتنيـن ألاّ قلـوب البعاريـن
وأكيد معشوق البعاريـن ناقـه
/
أنتي كريمه والعـرب مستحقيـن
وكل ٍ يبى منّك جواز وبطاقـه !
"""""""""""""""""""""""""""""""""""""""""""""""""" """