سلام عليكم
ابيات بسيطه ، من بوح مشاعر
واتمنى تعجبكم ،
فتحت صدري للهبـوب تهبـه=زادت عليه اسرار غير اسراره
مافيه جرح(ن) مالقينـا طبّـه=ولا فيه هـمٍّ مانـزل مقـداره
وين انت ياللي مبتلينـي حبّـه=العين في لـد النظـر محتـاره
دربٍ يـودّي للجفيّـا كـبّـه=خلك مصافي للوصل واشعـاره
شاعرك لاشاف الغيـاب ينبّـه=يرجع يلملم مابقـى ب افكـاره
يزعل على العالم بليـا سبّـه=ويضيق به بوح الشعر في داره
عطني علاج البعد وشهو طبّـه=وابشر بسافر للجفاء واخطاره