القريحه كسوله .. والطواري نشـاط
كـل طـاري يحرّضهـا ويبرالهـا
كيف أحل العقود وكيف أفكّ الربـاط
يخلف الله علـى العقـده وحلاّلهـا
الميول السياسي شطّ بي .. وأستشاط
شاب راسي ورغباتي علـى حالهـا
فاض دم العروبه من عصير الطماط
وشجرة البرتقاله ضافـي ظلالهـا !
وعيّت جروح لبنان الشقيقـه تخـاط
ما بقا غير أبوهـا يذبـح عيالهـا
كل واحد يصيح وينقـض الإرتبـاط
ويتحايل علـى أمّـه ليـن يغتالهـا
يكتبون الحروف .. ويشطبون النقاط
هكـذا والخيانـه تعـرف رجالهـا
في محل الأساسي يلعـب الإحتيـاط
والحكم كل لعبـه يحسـب أقوالهـا
وداخل البيت الأبيض يمسحون البلاط
وعمّها كـل ليلـه يشتكـي خالهـا
ولّعت بين عـون وبـرّي وجنبـلاط
مير عقب الحريري مـات عقبالهـا
ما غدا بالفتوّوه غير كثـر الهيـاط
حملـة الشـام فـال الله ولا فالهـا
"""""""""""""""""""""""""""""""""""""""""""""""""" """"""""""""
قنعـت مـن واقـعٍ بانـت براهينـه**
لعلّ صمتـي يجـود بغايـة مـرادي
أخاف امرر كلامـي بيـن موحينـه**
ثم يقطع حبال صوتي .. صوتي الهادي
الياس يركز على صـدري نياشينـه**
وأذعنت له لين شب النـار بفـوادي
من يطرق الباب عذري بينـي وبينـه**
يا طارق الباب منته طارق زيـادي !
اليوم طير السعـد شابـت جناحينـه**
ماعاد يثرّ علـيّ القمـري الشـادي
يا مسقط الراس ويا مرجع عناوينـه**
مزروع حبّك معي من يـوم ميـلادي
مشغول قلبي فـي حبـك والله يعينـه**
إليا تلاشى نما .. وإليـا نقـص زادي
الله يعافيـك مـن هــم ٍ تعانيـنـه**
( نسّم عليك الهوا من مفرق الوادي )
لو ننشد الغصن عن زيتونـه وتينـه**
يقول شحّ الثرا والغيـث مـا جـادي
زود ٍ على المجـرم الفانـي وتأبينـه**
يا كثر ناس ٍ تخون الملـح والـزادي
وأنتي تصيحين من شـي ٍ تشوفينـه**
وحكومتك ما تجود وشعبـك أجـوادي
اللـي يثيـر الضغايـن تبّـت يدينـه**
وش صالحه يوم شب النار في بلادي
يا كبر راس البعير ويا وسـع عينـه**
يسرح ويضوي بدون خطام وشـدادي
مـا طـاح لكنّهـا كثـرت سكاكينـه**
وأن طاح ماعاد تلقى عنـه نشـادي
الحكم لـو تحفظـه هيبـة سلاطينـه**
ما قام كل ٍ عليـه يصيـح وينـادي
"""""""""""""""""""""""""""""""""""""""""""""""""" """""""""""""
مجلس تعاونا الخليجي كحيلان
بضلوعه الستّه تماري عضوده
لو تشتكيه الناس لحقوق الإنسان
يبقى بميثاقه .. ما يخلف عهوده
لا شك هاذي من تصاريف الأزمان
هزت ذعاذيع الهبايـــب عموده
لازم نطاقه يتسّع قدر الإمكان
مطامع العدوان قامت تروده
أضحت تراقص له مجانين طهران
أهل القلوب المبغضه والحسوده
فكّر ودبرّ في اجتماعه علشان
يفتح مجال لمن يثبت وجوده
ربط رباط المغرب وضمّ عمـّان
مير اليمن عيّا لا يقبل زيوده
يمكن يجي له ثقل في كل ميزان
ودرع الجزيره يغتني عن جنوده
وإلاّ نروح أصناف وأشكال وألوان
وحفيدنا ما يعترف في جدوده !
"""""""""""""""""""""""""""""""""""""""""""""""""" """"""""""""""
الجوّ حامي وأنا ملتهبه أعصابي
أزحف عن الشمس .. وتزحف عنيّ الفيّه
يا عطلة الصيف كيف أصبر عـن أحبابـي
يطري عليها السفر مع كل صيفيّه
والوف قلبي على اللي كلّ ما غابي
ما كنّ فوق البسيطه ناس موليّه
لوّ أني أسرق جوازه وأشرح أسبابي
مانيب محسوب من ضمن الحراميّه !
وإن راح يصدر ( بدل فاقد ) على حسابي
أشكي عليه القرارات الحكوميّه
وأقول ممنوع من دقني ليا إشنابي
روحي معه بين ماموره ومنهيّه
من غيري أولابه .. ومن غيره أولابي
ردوّه وأعدّ له رحله سياحيّه
لو انها رحلة ٍ في ديار الاصحابي
محصوره من الكويت إليا السعوديّه
منها .. أتلوّا بحبيبي ويتلوّابي
ومنها .. نشجّع سياحتنا المحليه !
أهم حاجه ما يتركني على اعصابي
اجامل الناس واخلاقي تجاريّه
وأصارع الشوق مير الشوق غلاّبي
عز الله انّه ما ياوي لا رحم حيّه
"""""""""""""""""""""""""""""""""""""""""""""""""" """""""""""""""""""
أوّل مراحل نمـوّ الشـوق
ينبت بصدري يا مضنونـي
وإليا كبر قام يطلـع فـوق
ويبان من نظـرة عيونـي
ويشيب بين الهدب والموق
وأشببّـه وأبـدع لحونـي
لكنّ مـا جابـك الطـاروق
من يوم راحت بـك فنونـي
ذقت الجفا وانت كلـك ذوق
تضحك لي وتنزف طعونـي
وشلون مالي عليك حقـوق
تركتنـي وأختلـف لونـي
عسى ما حصلّت لك معشوق
وشطبت نمـرة تلفونـي !
"""""""""""""""""""""""""""""""""""""""""""""""""" """""""""""""""