يا حبيبي .. جاري إرسال الرسالـه
وأنت جاري .. من وريدي في وريدي
المسج مـن هاتفـي خلّـه لحالـه
علّقه في بـاب صنـدوق البريـدي
ماني بمرسـل معاريـف وجمالـه
مرسل ٍ لك بيت واحد مـن قصيـدي
وأن قريته قلّ لي أرسل لـك بدالـه
وأختر القيفان وأبـدع لـك جديـدي
دايـم الإلهـام يبـدي مـن خلالـه
ما يكنّ القلب مـن علـم ٍ وكيـدي
الغـزل مشـروع لعيـون الغزالـه
وأنت عن كل الضبا نوعـك فريـدي
والمولّـع فيـك لـو يبلـغ منالـه
أبتسم لـه وقتـه وحظّـه سعيـدي
يتوّجد كـل مـا تطـري فـي بالـه
و التوّجد كـلّ مـا ينقـص يزيـدي
أن سفهـت رسالتـه وإلا إتصالـه
قامت تخمّـه عليـك أم العبيـدي !
"""""""""""""""""""""""""""""""""""""""""""""""""" """"""""""
صورة لـ سداح في طفولته وأبياته عليها
لو أن العمر يشرا وينباع
صبا عمري الفايت شريته
لكنّه مضا من غير مرجاع
ولا فيه .. لعلّـه وليتـه
حياتي بها نزله ومطـلاع
مثل خطّ لبخه والحويته !
بقت صورتين وبرق لمّاع
من الماضي اللي مانسيته
تذكرتها والمـوت نـزاع
يجيني لوّ أني ما دعيتـه
"""""""""""""""""""""""""""""""""""""""""""""""""" """""""""""""""
حاولت قـدر المستطـاع
أنساك لكنّ مـا قـدرت
وأيقنت وأمر الله مطـاع
أنّي من الحبّ أنكسـرت
لازلت من يـوم الـوداع
أحاول أجبر مـا جبـرت
طاريك لا فـلّ الشـراع
يطوي لك أفكاري وسرت
أمشي على درب الضياع
عبرت مدري وش عبرت
وأن صفّت طيوفك تبـاع
غمّضت عيني وأستدرت
لـولاي والدنيـا متـاع
مؤمن بربي مـا كفـرت
لقيت لـي حـل النـزاع
ومن حرّ فرقاك أنتحرت !
علّمتنـي لـوي الـذراع
وعلّمتك شلون أنتصرت
يـا قلـب مـا للهمّ داع
تعيش وتنسى لا كبرت !
"""""""""""""""""""""""""""""""""""""""""""""""""" """"""""""""""""
جينا نرود الفضـا والنـور قايدنـا
ونحط بين القمر والشمس ماريّـه
وعلى نجوم السماء نصنع قلايدنـا
ونعطي لمدلولها بعـض الحيويّـه
يا اللي تدوّر عن أهل الشعر شاهدنا
علاقة الشعـر بالمرقـاب طرديّـه
وحنا لتوثيقهـا هـاذي سواعدنـا
برامج موثّقـه وأخبـار حصريّـه
نهدف بمجهودنـا نحفـظ عوايدنـا
ونصون كـل المفاهيـم التراثيّـه
لنا عن الغير مـا يثبـت تواجدنـا
من بـدّ كـل القنـوات الفضائيّـه
ومشاهدتكـم تشرّفنـا وتسعـدنـا
جمهورنا من مكاسبنـا الحقيقيّـه
دايم على شاشة المرقاب موعدنـا
والبثّ ما ينقطـع والذبذبـه حيّـه
؛
"""""""""""""""""""""""""""""""""""""""""""""""""" """""""""""
ما جيتك .. جيتي من حالـك
جتني فيـك وفـي أشكالـك
مكشوف أسلوب الملقوفـه
ترقص مع قولة وش حالك !
والله ما قلـت أهتمـي بـي
وإلاّ حطينـي فـي بـالـك
يوم أستقبلتـك مـن ذوقـي
من جابرنـي لإستقبالـك ؟
كبرنا .. وأنتـي شحـروره
لازلتي فـي غـيّ أعمالـك
رغم أنّي فـالعقـد الثالـث
من عمري .. في سنّ عيالك
لو اتنحنـح واضحـك لـك
قدّمتـي نـمـرة جـوالـك
بــلا غــرام وحنـيّـه
يـا اللـي غنيّتـي موالـك
قلبـي مشغـول بمحبوبـه
ويش أنتي حتى يفضـا لـك
هيـدي وأرتاحـي فـال الله
يا ست الحسـن ولا فالـك
أن رحتي .. ما راحت روحي
وأن جيتي ماهوب أشوالـك