يا خفّ عقلك يا أسود الوجه خفـّاه
مخّك صغير .. ودمّك أثقل فصيله
ما عندك إلاّ الثرثره والمباباه
الله خلق لك .. حنجره مستطيله
ما تستحي من لحيتك يا هذيّاه
دايم على الغيبه حبالك طويله
تراسل العالم بأسامي مخفّاه
تكتب عناوينك على أهون وسيله
من ضاع دينه ما تهنّى بدنياه
هذا كلام ٍ عند ربي دليله
ترتاب لا شفت الرجال المسمّاه
وتميزّ الهانم من المزمزيله
تحمسك حمس أم الكفوف المحنّاه
كم فصّلت فوقك ثياب الفشيله
دسيّت راسك تحسب إنّا ما شفناه
و اللي دفن راسه لايومي بذيله
اللاش لو ينحاش مانيب وياه
أنحش لا أخمّك يا خمام القبيله
ماهي بعيده .. راعي العنز والشاه
يظهر على الشاشه بشورت وفنيله !!
"""""""""""""""""""""""""""""""""""""""
لا تنشدني وأنا مالي ومال النّـاس يـا فـواز
خليـط أشكـال والأزوال تعبانـه ومرتـاحـه
علامك قمت تهمز لي تـرا الهمـاز واللمـاز
ما أحبّه لو يقلّدنـي وسـام المـدح بأمداحـه
تناقشني عن الساحه وعن ما يعرض التلفـاز
وأظنّك تعلـم أنّـي بالثـلاث مطلّـق الساحـه
أعرف الشاعر الجيّد .. وأعرف الشاعر الممتاز
وأعرف الشاعر المقبول من ثوبـه ومسباحـه
وأعرف الناقد الصامت .. وأعرف الناقد الهزاز
وأعرف الناقد اللي ما يرّن إلاّ على الراحـه !
وأعرف أن الكسيره ما تقوم إلاّ على المعكـاز
ولو حطوّا لها ساقين مكفولـه عـن الطاحـه
نقاشك وفّره لا تخسـره والعلـم مـا يعتـاز
لك الله .. ما قفلت الباب لأجل أعطيك مفتاحـه
""""""""""""""""""""""""""""""""""""""
أنا ما أحبّ الفلسفه .. والمشافيـح
وحبيبتي .. مشفوحه و فيلسوفـه
لا قلت أحبّك تشهق بوااااو وتصيح
ويرتاع قلبـي والروابـع تحوفـه
متأثـرّه بأهـل العلـوم الدراميـح
اللي حداثتهـم ماهيـب إمخلوفـه
تقول لا تزعل على شرهة الشيـح
والقمح يا سـدّاح قـدّر ضروفـه
وشلون ما تعرف متى ترقص الريح
وإلاّ المطر .. متى تصفّق كفوفـه
أهطل ببوحك فوق روض التباريـح
حتى تشوف اللي ما تقدر تشوفـه
وأقول يا بنت الرجـال الطحاطيـح
مالـي ومـال الفلسفـه والكلوفـه
أنا بدوي وأعشق قصايد شليويـح
هذا هوى بالـي وهـاذي شفوفـه
عز الله أنّي في مفاهيمكم .. ميـح
يا أهل الكلام اللي تناقـز حروفـه
لا شفت من يكحل عيون التماسيح
قلت المهبّل مـا عليهـم حسوفـه
"""""""""""""""""""""""""""""""""""""""""""""""""" """""""""""""""""""""""""""""""""""""""""""""" ""
يا الشاعر اللي دوب ما شق نابك
لا تجرح لسانك يا مـال الغنيمـه
تزمر عليّه .. يوم أفصّل ثيابـك
مدري تحبّ المدح .. وإلاّ الشتيمه
كانك جمل تقـدر تقـوم بزهابـك
ابرك لحملـك لا تـذبّ الخريمـه
على مدار اليـوم بالنـتّ شابـك
وتراقب الشاشه وعينـك كريمـه
والموقع الرسمي لحضرة جنابـك
مافيه غيـر الغاويـه والبهيمـه
لو يلفحن بروسهن عنـد بابـك
الجوّ صافي بين وافـي وشيمـه
ما عنـدك إلاّ الدقدقـه بالدّنابـك
حـاول تجـددّ كـلّ دقّـه قديمـه
أحفظ مقامك يحفـظ الله شبابـك
والشعر خلّـه للعقـول السليمـه
"""""""""""""""""""""""""""""""""""""""""""""""""" """""""""""""""""""""""""""""""""""""""""""""""""" """
توحون صوت الحقّ وإلاّ ما توحون
ملهيكم الشيطان في ملتهاته
على مسامعكم سوات الشطرطون
شرطنكم اللي ما يخلّي سواته
قمتوا تحكمون البلوت وتصنّون
وأبليس قام يصنّكم في عصاته
ضيعه وتربيعه على كفّ مجنون
حطّ الميه .. وسراك ودّه و هاته
وإليا تزاعلتوا عسى ما تراضون
متعنصرين وسالفتكم شماته
ورجل ٍ معه عقل ٍ يقدّيه وعيون
على الورق ما يعتزي في خواته
لو تدهنون لحاكم .. بزيت زيتون
ـمافيه خير اللي يخلّي صلاته
"""""""""""""""""""""""""""""""""""""""""""""""""" """""""""""""""""""""""""""""""""""""""""""""" ""
وشلون مالك ضوابط تضبط الجاني
ومكانتك في جناب النتّ مرموقه
بيبانك مشرّعه .. والبحث مجاني
والتقنيه معك مطروده وملحوقه
ومحرّك البحث يظهر كل عنواني
حتى لوّ أنّ المصادر غير موثوقه
كم تنهب فلانه .. وكم ينهب فلاني
هاذي سلوم الحرامي لا دخل سوقه
( جيت أنشد الشيخ مير الشيخ ما أفتاني)
لقيتها من ذيول القوم مسروقه
توقيع عابر وبسمي ما تعداني
حطيت وسمي عليه وبصمتي فوقه
أسلم وسلّم على الشعّار من داني
وكل ٍ على شاشته يفطن لطاروقه
"""""""""""""""""""""""""""""""""""""""""""""""""" """""""""""""""""""""""""""""""""""""""""""""""""" """""""""
مالك عليّ حقوق ولا لي مشاريـه
ـــــــ ـ الله يعـوض المعرفـه والصداقـه
علاقتي بك جات من غيـر تنبيـه
ــــــــويوم المنبّـه دق عفـت العلاقـه
أمسك مسارك وأعرف اللي تماشيه
ــــــــــــماني وانا سـداح قطّـاع ساقـه
مثلك ليا بانت وشانـت مواريـه
ــــــــدليّت راسه تحت مـوس الحلاقـه
لاهو ولد عمّـي ولانـي بناخيـه
ـــــــــ لاماه عندي خيـر منهـا فراقـه
مريض قلب ويا عسى الله يعافيـه
ــــــــعنده على سـرد النمايـم لياقـه
ماسنجـر ٍ جابـه لعلّـه يوديـه
ـكثرت طروش النتّ داخل نطاقه !
قلبي يعرف اللـي يـودّه ويغليـه
ــــــــيا اللي تتلّـه بالسلـوك الدقاقـه
ما كل وجه ٍ يبتسم يـوم أراعيـه
ـــــــ ـ أضحك وأعدّه من وجيه الرفاقـه !
"""""""""""""""""""""""
الجيل هذا فيه مـن كـلّ الأشكـال
والطالحين أكثـر مـن الصالحينـا
عز الله أنّه غير عن كـلّ الأجيـال
الله يعـافـيـنـا ولا يبتـلـيـنـا
فيه الولد ناعم ولـو تزهمـه مـال
مدهون راسـه بالولـع والحنينـا
مراجلـه علـى بلوتـوث جــوّال
ـ خالي من الثنتيـن دنيـا .. ودينـا
والبنـت مكشوفـه تلـوّا وتختـال
ولا أدري تلوّا ليـه بنـت اللّذينـا ؟
واللبس بنطال المشاهيـر الأبطـال
ماعاد يصلح لبسنـا اللـي علينـا
موضه قديمه .. ثوب وشماغ وعقال
ـ يا اللي تبنطلتـي معـك بنطلينـا !!
الرجل عوّد بنت .. والبنـت رجّـال
ـ قمنا نعيـب الوقـت والعيـب فينـا
واشيب عيني مير سقها يـا هـذّال
ولا عاد تآخذني لسـوق المارينـا !
"""""""""""""""""""""""