يا داعي الشعـر مـا للغطرسـه داعـي
قصايـدي كلـهـا بالخـتـم مختـومـه
لا فاضوا المبدعيـن وغـاض الإبداعـي
بالنـاس معطيـه وبالنـاس محـرومـه
تشكيلـة عامـره مـن كـل الأنواعـي
فيهم على القيمه وفيهم علـى القومـه !
الحمـد والشـكـر لله ثــم لـذراعـي
ـ ما جيت مـن بينهـم يمنـاي محزومـه
لو ترقص الموهبـه وتطـق الأصباعـي
قلدتهـا مـن عقـود المـاس منظومـه
عـز الله أن الزمـن ماكـر وخـداعـي
ثـوب الريـاء يلبسـه وينفـذ كمـومـه
لا طال عمـر الضعيـف قصيـر الباعـي
مراجلـه بـيـن حنجـرتـه وبلعـومـه
أغلب نجوم الورق طاحت علـى القاعـي
وأغلب نجوم السمـاء فالليـل منجومـه
يا قاضـي العـدل ويـن الناقـد الواعـي
مفقود.. هو مـات وإلا ضاعـت علومـه
أنا مـا قلـت الرعيـه مـا لهـا راعـي
إلا بعـد شفتهـا ماهـيـب ماسـومـه
عسـى مزاجيتـي مـا تخلـف أطباعـي
وعينـي لهـا نظـرة بالعقـل محكومـه
وقع يا طير السعد وأعزف علـى إيقاعـي
جناحـك المنكسـر مـا يكسـر الحومـه
تون يوم الفضـاء عصـاك مـا طاعـي
وأنته ما ترضى الهوان .. وزومتك زومه !
أبتقاسـم معـك تـوزيـع الأوجـاعـي
يا حر كبـدك مـا بيـن الحـر والبومـه
لا تشرح أوضاعك.. ولا شارح أوضاعـي
كـل عطـاه الولـي رزقـه ومقسومـه
""""""""""""""""""""""""""""""""""""""""""
يــاروح روحـــي .. عـــداك الـلــوم
مــن عـيّـب الـحـبّ .. مــا عـابـك
يـطــيــح هـــــرج الــعـــرب ويـــقـــوم
ولا نــــقــــص حــــــــرف بــكــتــابـــك
مـرّيــتــك وفـــــي ســمـــاك غـــيـــوم
ـوطــلــيّــتــي وفــــاحــــت أطـــيـــابـــك
وقــامــت طــيـــور الــغـــرام تــحـــوم
ـونــظـــرات عـيــنــي تـحــفــوا بــــــك
فــتــنــه وفـــيـــك الــفــتــن بــالــكــوم
ــلـــوزك .. وجــــوزك .. وعـنّـابــك
زود ٍ عــلــى عــــودك الـمـلـمــوم
ــــالـــلــــي بــلــطـــف يـتــثــنّــى بــــــــك
بـعــيــونــك الـنــاعــســات عــــلــــوم
ــعـنـهــا تـســولــف لـــــي أهــدابـــك
مـيــر الــبــلا .. لا عـطـتـنـي زوم
ــوأنـــــــا عـــلــــى خــطّــهـــا شـــابــــك
يــــــروح قــلــبـــي لـــحــــم مـــفــــروم
ـوأقـــــــول لــلـــزيـــن وش جــــابــــك
خـلــيّــت خـــتـــم الـــغـــلا مـــرســـوم
ـمــابـــيـــن شــبّـــاكـــك .. وبــــابــــك
ولا راعـنــي مـثــل أخــــوك الــتــوم
أخـــــــــاف لا يـــلـــبــــس ثـــيـــابــــك
وأخـــمّـــه مــــــن الـــولـــه مــنــجــوم
ـوأروح فــيــهـــا عـــلــــى حــســابـــك
مـيــر أفـطـنـي مـــن نـهــار الـيــوم
وعـــــــدّي مــعــالــيــق دولابــــــــك !
وخـلـيّـنـي مـــــع الـســهــر مــلـــزوم
ـأنـــــــا أوّل .. وآخـــــــر أحــبــابـــك
وقولي لي الصبح .. صحّ النوم
وأقـــول .. مــــا نــمــت بـأسـبـابـك
"""""""""""""""""""""""""""""""""""""""""""""""""" """
سـلامـات يــا روحــي سـلامـات
ـمــن الـبـرد .. صابـتـك الـحــراره
نطحتـي نسيـم الصبـح بسـكـات
وصـــــدرك مـــــا صـكـيّـتــي زراره
وقال الهوى هي جات ما جات
وعــلــى طـلّـتــك غــيــرّ مــســاره
وخمّك .. وضمّـك عشـر مـرات
وأخــــذ مــعــك لــفّـــه وإســتـــداره
ولقيـتـك بمستـشـفـى الـمـواسـاة
عــلــى بــــاب دكــتــور الـخـفــاره
عـســى يـــا بـعــد كـــلّ البـنـيّـات تـطـيـبـيـن .. وتـــــزول الــحـــراره
"""""""""""""""""""""""""""""""""""""""""""""""""" """"
عداك الملامه يوم تنشد وش اللي صار
تراك أعقل اللي في هذا الوقت منجنّـه
أنا صدري محصّن ولا يكشف الأسرار
ومن صاحب النمّام ردّ الخبـر عنّـه
لقيتك يا بو مازن على قبر ابو عمـار
تهل الدمـوع وتلحـق الونّـه الونّـه
علشان تنشر صورتك نشرة الأخبـار
وتنقل من مدوح العرب حملـة الدنّـه
رجال المطافي في ثيابك تشـبّ النـار
ومنهو يطفيّها عسـى ابـوه للجنّـه
تجينا بدون ستار وتروح فايف ستـار
وهاذي عوايدنا على الفرض والسنّـه
تجاوزت حدّ السرعه وصادك الـرادار
دفعت الغرامه يوم حظّك ضحك سنّـه
توكّل على الله وأترك الشّعر للشّعـار
ولا لك فضل .. والله له الفضل والمنّه
""""""""""""""""""""""""""""""""""""""""""""""
تفضّل يا حبيبي وأدخل بقلبي .. وصكّ البـاب
بسط لك كلّ دقاته .. وجاتك بآخـر أخبـاره
لا تزعل لو تحصّل بين نبضاته بقايا أحبـاب
عطاك الضوء الأخضر تبحثه و تفتّش أسراره
يحبّك .. والعلاقات القديمه فصّ ملـح وذاب
تلاشت .. لا تحاسبني عن الماضي وتذكـاره
لو الغيره مصيبه .. لا تغار إلاّ من المرقـاب
ترا المرقاب ساجنّي عن العشـاق بأسـواره
على رسلك وأنا شاعر مزاجي والهوى غلاب
ما يتركني في حالي لين أغنّي له على أوتاره
حبيبي لو تكرّم في عيونك سجّـل الإعجـاب
ـأغازل كحلها تاره .. وأقاوم رمشهـا تـاره
رمتني في بحرها وأن رسيت بساحل الأهداب
غشاني موجهـا والحـب يدفعنـي بتيـاره
يقولون العرب ما للمحبّه والغـرام أسبـاب
وانا أقـول المحبّـه والغـرام أسبابهـا سارة !
"""""""""""""""""""""""""""""""""""""""""""""" "
تناسيتها .. لا شكّ ما تنسّي يـا منيـف
هنوف ٍ غلاهـا شـال قلبـي بمعلاقـه
أحاول ما يشغلني هواها ولا أدري كيـ
تجيني طواريها مـن البـاب للطاقـه !
صدق من يقول الذاكره مثل حدّ السيـف
تمزّع خلايـا المـخ وتسبـبّ إرهاقـه
أراجع شريط الذاكره بين طيف وطيـف
ـومع كلّ لقطه .. نزعة الوجـد منساقـه
سقى الله مواعيد الهوى في ليال الصيف
ـيا كم جيت مشتاق .. ويا كم جات مشتاقه
نوثّـق مشاعرنـا ولا تقبـل التحريـف
نحسب الزمان يصـون للحـبّ ميثاقـه
لكنّه علينا مـارس العنـف والتخويـف
وغيّـم سمانـا والجفـاء لاح بـراّقـه
قطعنا النصيب وراح ركب الغرام معيـف
وكل ٍ على حظّـه تبـاري لـه أوفاقـه
أدوّر عوضها في بنات المـدن والريـف
ـوعليها لازال القلب واقف علـى ساقـه
يا سعد الخليّ اللّي تريّح مـن التكليـف
سمع عن مذاق الحبّ .. والحبّ ما ذاقـه