منتديات شبكة قبيلة الغنانيم الرسمية - عرض مشاركة واحدة

10-24-2011, 09:48 PM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

سعود بن منيف بن نافه is on a distinguished road

سداح العتيبي

نعود مجددآ مع شاعرنا المبدع /سداح الغنامي العتيبي بعنوان "طابور الاركان"

يا القافله سيّري بحمولـك وسيـري=
ما تنتهي قصـة القصّـاص والجـرّه

أنا على جرّتـك طالـت مشاويـري=
قفلت صندوق صدري وأنكشف سـرّه

تقبّلـي حـبـيّ وودّي وتقـديـري=
شكرا ولولاك مـا غنيّـت ب المـرّه

تعبت أمدّ الجميـل ولا كثـر خيـري=
والوقت ما جاب خير ولا نقص شـرّه

مانيب وحدي فقط مخصوص لا غيري=
اللي عليـه الليـال السـود مفتـرّه

يا كثر ناس ٍ على فكـري وتفكيـري=
وكبودها من ظروف الوقـت محتـرّه

من يوم هبّت هبوبي طير يا طيـري=
ولا تترك الحوم ليـن تعـاود الكـرّه

يدقّنـي هاجسـي دقّ المسامـيـري=
ولاهــوب لله درّه .. للشـقـا درّه

أستغفر الله عـن ذنبـي وتقصيـري=
يا كبر عذري ويا حلوه ويـا مـرّه !

وقفـت بيـن الذهيبـه والمداويـري=
ميقاف وجهة نظر والعيـن محمـرّه

وأحداث الأيام لو ندهن لها السيـري=
كم صرّة ٍ في حساب الغيب منصـرّه

دايم على روسنـا ورد ومصاديـري=
ووجيهنا من سمـوم الـذلّ مسمـرّه

لا يا عـرب مـا قنعنـا بالمعاذيـري=
في بيـع دمّ الشهيـد محمـد الـدرّه

طابور الأركان وأركـان الطوابيـري=
ما سرّت اللي من العـدوان منضـرّه

تدبك على ماش لعيـون الجماهيـري=
ولا قد سعت في قيام الدولـه الحـرّه

والغرب يطحـن لحمنـا بالجنازيـري=
ويدقّ ف عيوننـا البـارود ويـذرّه

وحنّا نتابع مسلسـل سالـم الزيـري=
ونقول ما كلّ مـرّه تسلـم الجـرّه !

ولشبّـة العـود فتّـاح المناخـيـري=
قوم ٍ في سرد العلـوم الغبـر منغـرّه

الحبل والسانيـه والدلـو والبيـري=
والفيضه الفايضه والضلـع والحـرّه

شبنا نغنّي ( علم سيري علم سيري )=
متى نرود النجوم ونصنـع الـذرّه ؟

كلّه سوا بوش وألاّ صاحبـه كيـري=
اللي يجينا .. يخـمّ الشيـخ ويفـرّه

المصدر: منتديات شبكة قبيلة الغنانيم الرسمية

s]hp hgujdfd

__________________

منجّين الدخيل ليا زبنا
اذا فرضت عليه المعجزات

زبنّا من تحيط به المنايا
وربعه حاكمينه بالممات

ثنى طايل طويل الباع دونه
وربعه معه عدمين الصفات

الاد غنام في حدب الهنادى
وفي علط الرماح القاتلات

ابن نافه يبا ينجي دخيله
بشلفا توصل الدم اللهات

تلوذبنا مقطعة العواني
ليا جات العلوم اخذٍ واهات

وترفع عنهم السطوه يدانا
بشلفٍ يشبعن الجايعات

فعل عمي وابويه وابن عمي
نقول العلم والعلم الثبات

للشاعر الكبير /فلاج بن عبدالله بن دخيل الله بن طايل بن نافه