مبادعه بين الشاعرين المبدعين في سماء الشعر :
سداح الغنامي العتيبي
و
سلطان وسام الهاجري
سلطان الهاجري :
في عنفـوان البلبلـه والأقاويـل
وزخمٍ من الإعلام فـي زعيتمانـه
هذي قناه الشجب والحط والشيـل
وهذي قنـاة الملعنـه والخيانـه
وهذي قناة الرقص ( ياعين ياليل )
وعبـدالله ابالخيـر والبردقـانـه
والقدس تقصفها مدافـع إسرائيـل
والغرب يعزف عزف كيد ولعانـه
والشي والله في الليـال المقابيـل
أصبر علي شـوي وأقـول عانـه
عان الليال الحيل لقحن وهن حيـل
ولقاحهن غزو الأصـل والديانـه
غزوٍ يسمـى ديمقراطـي وتبديـل
وطمس العوايد والشيـم والأمانـه
وش قلت ياسداح في كذبة إبريـل
هي في صميم الـذات والاّ وزانـه
والهيل ياسـداح عطـر الفناجيـل
والجِد ملـح العجرفـه والميانـه
والخيل وين سروجها ياهل الخيـل
راحت فرس عنتر تسابق حصانـه
والمعركه بين النساء والرياجيـل
مـدري يفـوز فـلان والاّ فلانـه
وأن قام حظ أم الرموش المظاليـل
وقامت تثنّـى كنّهـا الخيزرانـه
ماعاد ياسـداح حيلـه ولا حيـل
أطلق شنـب قلّـه يجـوّد مكانـه
والقبّـه اللـي للنشامـا مداهيـل
ميدان سيف الله .. وعنتر زمانـه
الله ثعا فيهم .. على مثـل ماقيـل
بعنصـر نسائـيٍ قـويٍ كيـانـه
خطوات عوباً صوتها يصهل صهيل
تشرشح النايب .. وتكرب بطانه !!
رد الشاعر /سداح الغنامي العتيبي
الفلـك مـا يـدرج بليّـا محاصيـل
سبحان من يكتـب حصيـل إدورانـه
ياسرعلى دوراتـه مـن الصبـح لليـل
لا أمسى في خانه دار وأصبح في خانه
نتايجـه ماعـاد تحـتـاج تحلـيـل
محلّلـه بيـن القـسـاء والليـانـه
قام التطور ينفـض الـراس والذيـل
ويرومـش بعينـه وتضحـك ثمانـه
أضفى على بعـض المفاهيـم تعديـل
و وثّـق تعاميمـه وعـمـمّ بيـانـه
وحنـا نصيـح وكلّبـونـا معالـيـل
والقيزخـانـي قـفّـل القيزخـانـه
ومن قال لي طير السعد .. طير أبابيل
أقول له وجهـة نظـر ميـر زانـه!
حي الله اللـي وقفتـه تعـدل الميـل
اللي بـدون رهـان يكسـب رهانـه
شاعر علم وأشهر من الجدي وسهيـل
أروق مـع فكـره ومنطـق لسانـه
برقيّته من راسـه ( مكالمـة تيـل )
عنده عن أمـراض التكبّـر حصانـه
أقـدّره وأغليـه .. بالحيـل بالحيـل
قــدّام لايـشـرّ علـيّـه بنـانـه
فرقه عـن اللـي يلعبـون المواويـل
يجيبهـا مـن كـل مـحّـار دانــه
هذا يا بـن وسـاّم وقـت البهاذيـل
زخم ٍ علـى ماقلـت فـي عنفوانـه
عندي طفح كيلين .. وعندك طفح كيل
من مجلـس الأمـه ومـن برلمانـه
يا كم عطانـا مـن علومـه تهاويـل
ولا قد عطانـا قفشـة ٍ مـن حنانـه
مير الشداد اللي على غـارب الفيـل
لو نطرحـه تكمـل شـروط المتانـه
وأن قام حـظ أم الحلـق والخلاخيـل
كملت ومـا لـرزاح غيـر إرزحانـه
حلحيلة ٍ يرضـى بهـا كـل حلحيـل
لـو يعتبرهـا واحـد ٍ مـن خوانـه
قومـن بهـا يـا لابسـات البناطيـل
واقعد بهـا يـا لابـس الجبّخانـه !
lfh]ui fdk hgahuvdk s]hp hgykhld hgujdfd ,sg'hk ,shl hgih[vd