الخيال الي غزاني والهجوس الحيه=نارها نارالقصيد وجمرها وقـادي
والقصيد اليا طلبته ينعسف جبريه=اخذ ً بين الحنايا موقع ً معتادي
شاعر ً وانحت شعر في اللوحه الفنيه=وعادة الهاجس يساعدني على الايرادي
النفوس المومنه في الاخره مرضيه=خير من نفس ٍ تعمد الشرك والالحادي
القلوب السود ماعندي لها ماويه=في نظام الشرع من يخطي تراه البادي
ومن قضى عمره يبا الدنيا براد وفيه=لابداء روس الجبال ولا حدر للوادي
والحساني ماتجازيها الرجال بسيه=ابذر الزرعه وبكره يجني الحصادي
يالرفيق الي تشيل السيف والجنبيه=خفف السرعه ترا سد
الشفا نقادي
ادري انك فوضوي وادري معك جنيه=مير يتعبك العبور مع المحيط الهادي
وقدمنا الامثال حطتها العرب ماريه=اعتبر لابد صياد الفهود يصادي
والنصيحه في الزمان الي مضا مشريه=ولا انا اقدح جنب صواني بخشم زنادي
ورجل ماتقدر تهزه قابله بتحيـه=وصافحه لو بينكم ماصار ملح وزادي