يامل قلب ٍ يسـج وفيـه دولاجـه
.......................من هاجس ٍ بالضماير قام يدرجهـا
في معزل عن جميع الخلق وازعاجه
.......................ما اسمع من الناس لوتكثر لجالجها
ماغير اهوجس تقول مضيع حاجـه
.......................آخذ واسند على روحي واهرجهـا
وادوج لوكـان مارجلـي بدواجـه
.......................ادلّـه النفـس ليـن الله يفرجهـا
يالله يالي بيدك الضيـق وافراجـه
.......................ياخالق الخلق ياقاضـي حوايجهـا
تفرج لعين الذي أغفت بسوهاجـه
.......................تجهز عليها الطواري لين تزعجها
نوب سهرها شديـد ونـوب نهاجـه
.......................ومر تكن الدمـوع ومـر تزعجهـا
عليك ياللـي بقلبـي كـن وهاجـه
.......................وهاج نار هوى الغربـي يسارجهـا
أبو ثمـان تشـاد اللولـو لعاجـه
.......................كن البرد يوم يضحك في مفالجهـا
ياروح روحي وجرح القلب واعلاجه
.......................الطف بحال عليك الهـم ساهجهـا
قلبي يناجيك بسلوب الهوى .. ناجه
.......................يشكي لك الحال داخلهـا وخارجهـا
اما التفت لي وتم الوصل بمواجـه
.......................والا بـلا عشـرة هـذي نتايجهـا
وش ينفعك من حنين القلب وخلاجه
.......................وجروحي اسبابها انت ولا تعالجهـا
للشـآعر / عبد الله بن عون
dhlg rgf S dsJ[ ,tdJi ],gh[Ji