المشاركة الأصلية كتبت بواسطة راعي الاوله





حبيت اذكر لكم قصة الفارس راشد بن شلاش بن حييان الثبيتي الجميلي العتيبي
ولد راشد في قرية نفي ولم اشتد ساعده قرر الذهاب الى حائل و ذهب ومعه رجل واحد ونزلو في قرية الصهوه جنوب حائل وكان اخويا ابن مساعد مغرين على القريه وكادت الكفه تكون مع صالح شمر على ابن مساعد وفزع راشد بن حييان وصاحبه فنتصرو عليهم وذهبو الاخويا الى ابن مساعد وقالو له انهزمنا لولا اثنين من اعتيبه قال لهم الامير عبدالعزيز ابن مساعد جبوهم لي وراحو لهم وقالو لهم الامير يبي خوتكم قال لهم راشد مالي خوي غير سوده وسوده فرس راشد بن حييان وكانت سبوق ومعروفه لصباح امراء الكويت وعند ابن مساعد اذا عمل سباق للخيول كانت سوده تاخذ الاول تلحق ولا تنلحق المهم رجعو اخويا ابن مساعد وعلمو العلم ابن مساعد ورسل لهم مره ثانيه وقالو لراشد بن حييان الامير يبيك خوي عنده ولا تطلع عن حائل تشاور راشد ورفيقه وقال نصير عند ابن مساعد وكان راشد بن حييان خوي عند الامير عبدالعزيز بن مساعد وارسله في غزوات كثيره في شمال حائل ومن اهم الحروب اليمين وحرب نجران وامره ابن مساعد على قرية الضبيعه او الحينيه وبعدها استلمها منه ضيف الله بن عيد القبلان وتوفي في عام 1399هــ رحمه الله. واسف على الاطاله لكن حبيت اذكر فارس من فرسان اعتيبه اللي كان لهم بصمه في حائل ونجران والحرب على اليمن..










بيض الله وجهك يا راعي الاوله ماقصرت بذكر جزء من حياة فارس من فرسان عتيبه رحمه الله وجعل قبره روضه من رياض الجنه .

وكما ذكرت كان امير على الحيانيه ومن بعده ضيف الله ابن قبلان رحمهم الله جميعاً ، ووفاته كانت عام 1398هـ ودفن في حائل .

الف شكر لك ويعطيك العافيه

اخوك ابن حييان