سلام يا مير ٍآ له الطيب مذخور=من حاكمن كل العرب تفتخربه
سيف العرب في ساعة ٍ مابها نور=وريف الظعيف وللعدى ذيب سربه
فيصل ليا جارت وجارو هل الجور=وكلن مسك راس الرشا وان حدربه
وقف لها وقفت محنك وممرور=بسيف ٍ مهند يفجع العقل ضربه
وخالد ولد فيصل ليا وقف الشور=بحر ٍ ليا هاج اغرق اللي عبربه
دكتور ادب وبساحة الشعر دكتور=له منهجن فوق الجميع اشتهربه
سوى لعشاق الغنادير دستور=وفياض عشب ٍ يدله اللي نظربه
في ماقع ٍ عن جملة الناس مستور=ماحج به راع الهوى وعتمربه
ويدله به اللي كان له بالهوى دور=كم ليل عشاق ٍ قضاه وسمربه
حتى غدى قلبه على ريش عصفور=تمكنه جرح الهوى وانتشربه
ويامير سامحني وانا قول مشكور=قلبي لفق طير الغرام وشهربه
وعانق طيور ٍ بالهوى مالها سور=واحد ملك صبره والاخر غدربه