انا البارحه مالذلي في الفـراش النـوم
وعيني سهرهـا دايـم الـدوم مقلقهـا
تكدر منا مي والهواجيس كـوم وكـوم
هموم الزمان اركـت عليـه مطارقهـا
من الضيق كن الجو منه الهواء معـدوم
اجر النفس كني من الضيـق سارقهـا
عسى ماجرا تكفير ذنبٍ عـن المهمـوم
عساها طهـور النفـس قـدام خالقهـا
الا يبرق
الجنحان ياللي كسـرت الحـوم
تمنيت لـي مثلـك جناحيـن واطلقهـا
ابي كل ماضاقت عليـه سـوات اليـوم
اخللي همومي فـي مكانـي وفارقهـا
ابا ارقاء على متن الهواء واخذ المقسوم
واباء اسجها من غربها ليـن مشرقهـا
وابا انسى همومٍ ساقها حضي المشـؤم
لياقمت اشـد ابعـد سحابـه وعانقهـا
لكن الحقايـق باقيـه والحلـوم حلـوم
همومٍ غزت قلبي عسـى الله يحرقهـا
فراج حمود السبيعي
hfvr hg[kphk >>>>>>>