ما للمعزه كود هامات القمم
يطرب سناها كل قرم" مخايله
وإلا ضعيف النفس يبطي مازعم
ساسه رخى القيعان والمتهايله
نكسب مع الأجواد عادات وقيم
نرقى سنود ونرتكي للهايله
آعاهدك باللي خلقنا من عدم
إنك سند و أنا متوني شايله
عن كاسبين الجود سجل يا قلم
غيم" تزبر فوق حر القايله
صيت الرجل منحوت في كف الشيم
وطبوع قاسي الراس من سلايله
اسمك حروفه تاج يالحر الشهم
فخرا" على راسي ولا أحد بنايله
ولا يعن الراس ويسوق القدم
إلامسيرا" فوق روس الطايله
على ضعيف الراس ما فاد الزهم
لو تزهمه بأسمه وبأسم العايله
عليك أمان الله ومد أم الشحم
أني حزامك في الليالي المايله
أحدن ليا طروه قالو والنعم
وأحدن لاقيل أسمه يفشل قايله
الكفو له في هاتفي اسم ورقم
واللاش مالي رقم في موبايله
Hp]k gdh H'v,i rhg, ,hgkul