|
عشق الكــرامه
يابنت صحتي للكراامه تنادين..........
هو تجهلين ان الكراامه وطنا او تجهلين انا على الطيب ساعين.......... اوتحسبين ان الظرووف غصبنا او تــــنكرين انا ظلال المساكين.......... في ذمتي ماعـــافنا مـــن زبنـــا يابنت حنا من رجالا عـــريبين.......... عدونا يمسي قــــهر ماغبنــــــا حنا السيووف المرهبه بالميادين........ وحنا الجيوش الغازيه ماقونا ان كانها فالدين حنا هل الدين......... ووقت الجهااله ننعمي في جهلنا يابنت حنا متعبين المعادين........ كم شيخ قوما فالحنايا طعنا لاثارة الهيا صعوط المجانين....... واليا انجلت ارماحهم ماغلبنا يابنت حنا فاللوازم براكين.......... عوج السنين الموجعه ماعوجنا حنا ملوكن فالعرووبه سلاطين...... الجود والنخوه من الله هونا ماعمنا في لمته عام الالفيين........ صغارنا على المرااجل تبنا لوتنزف الابيات صحف ودواوين...... جزل القصايد بالعطا ماوفنا يابنت لوعفتي ترا نوفي الدين........ ودنياك ماتصفي على من تمنا خافي من الله في قلوب المحبين......... ترا الدموع الى تساكب عمنا كانك تبين العلم خوذي براهين..... ترا العييون الناعسات ملكنـــا عزالله انا من خلقنا عزيزين......... هاماتنا لغير الولـــــي ماتـثــــنا اما تودينا على العسر واللين........ والى على الله يشتكي من تعنا سقت الحروف ولاخلفن الموازين....... من شاعر بعشق الكرامه تغنا وســلامتكم .. بقـلمي صمت عـآبر [سـعد الغنـــامي] |
سعد صح لسانك
مصافحه رائعه وننتظر المزيد من الابداع |
صح لسانك مرات ومرات ولكن سعد ابوه من يكون
حيث سعد في الغنانيم كثر والمشكله كلهم شعراء على كل حال قصيده رائعه تقبل تحياتي وتقديري |
صح لسان الشاعر
|
صح السانك وعتلا شانك
|
صح لسانك مليون ياسعد
كل الاحترام لك ولشاعريتك |
صح لسانك وعتلا شانك
|
سعد صح لسانك
|
صح لسانك مليون ياسعد
|
| +4. الساعة الآن 08:16 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط