|
يضفي على المشقوق عرضه وطوله
عســـى السحــاب اللي تدلــت ثعــوله ** يسقـي الدعيـــكه والنهابــــر وعردان
نون من المنشــى يسوقـــه رســــوله ** ويصرفــه من صـرف الكـــون رحمان فيـــه الرعـــد حــرب تدندن طــبــوله ** والمـــزن يسحـــب في محياه ربـــــان تباشـــر الارض المحـــول بــقبــــوله ** ويصبح على دربه خبـــاري وغــدران يضفي على المشقوق عرضه وطوله ** والعشــب من غبه يجي اشكال والوان وترعابـــه الغفـــراء الهبود الجفـوله ** عشبا من الوسمـــي تحت ظل ضمران بعيـــد عـــن راع الغنـــم مايطـــــوله ** الشــاوي الكرف الحنف راعـي الضان يبي الحيـــا لاكـــن ماهـــوب حـــوله ** بينـــه وبينـــه يهـــرف الذيب سرحان وهنـــاك قضيـــنا حيــــــاة الطفـــوله ** ماكفـــت البــره الـــيا متـــن سيـــحان وبارقـــن كانـــت تناطـــح وعـــــوله ** يوم الديـــار المخلـــيه شانهـــا شـــان ماياصلـــه راع القنص بالسهـــــوله ** لوعلـــق القربـــه على كـــور شقـــران وياأهل الونيـــت اللي خفاف حمـوله ** من فضلـــكم ودوا ســـلامـي لبلهـــــان وقولوا لمقحـــم صاحبك طـق جـوله ** من القصـور ومن برامـــج هل الـــعان ومن لامنـــي عســـاه يفقد ذلولــــــه ** في التهـــلكه ويواجـــه الذيب سـرحان |
نايف بن طلق صح لسانك واعتلا شانك
|
صح لسانك وصح احساسك وصح انتمائك
الله يسمع منك ويجيب المطر ويعينون خير اهل الحلال كل الشكر والاحترام والتقدير لك يانايف |
رد الشاعر مقحم على القصيده,,
خـــط وصلني سر بالي وصـــوله .. وفتحت له في مشـــة الجوف بيبان من عند ابومشعل مقر الرجـــوله .. مشيـــد بيـــت المعــــزه بعـــمــــدان ورديـــت مندوبـــه بعلـــم يقــوله .. رد الســـلام وبشــره ســر واعــلان الغيث يانايف تعــاقب سيــــــوله .. وقدمه كهوم جات في شهــر شعبان والبدو من واد الدواسر عنـــوله .. وعان ام صالح فيه تلــعب بالألحان كن المحرج فيه ينشـــر زلـــوله .. ولاحدائق قصـــر نايـــف وسلطـــان ترعابه الفاطر ليا راس حـــوله .. وني الشحم يبني على حــــم الامتان على ديـــارك مايكلـــــف محوله .. عشب الحيا كاسي جذيبة دعيكــــان دار الرجال اهل الوفاءوالبطوله .. مكرمين الضيـــف ذربــين الايـــمان من يوم نايف قام يشعـب ذلوله .. وقلبه على هاك الدعاثيـــر شفقـــان كل يبن خـــزام يتبـــع ميـــــوله .. وانته ميولك حب حلـــوات الالبـــان لـو ان حـــب البـــر زلت حلوله .. والبر وان ومـــن يبـــا لـــذتـــه وان في مامضى يعجب وتعجب نزوله .. خالي وتلقا فيه لصيـــد طيشـــــان والضيف يلقى له معــــزب ينوله .. معزب يفرح ليا جــوه ضيفــــــــان واليوم يكتم صدر من سيروا له .. مافيه غير اخياش خرثا ومرحـــان وعشه وهندي يسحب رجـــوله .. مافيه صرفه لومعـه قلــب ولســــان |
صح لسانك يامبدعنا نايف طلق
وصح لسان الشاعر مقحم |
ابوطلق صح السانك وعتلا شانك
|
قصيدة ورد ابدع ما يكون يابوطلق
سلمت وسلم ابوسند تحياتي |
نايف عساها تضفي علاك العافيه قل امين
صح لسانك ولسان شاعرنا العلم ابو سند |
نايف صح لسناك
|
نايف بن طلق صح لسانك
|
| +4. الساعة الآن 03:52 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط