منتديات شبكة قبيلة الغنانيم الرسمية - ماعدت انا لآصحت ودي..(حواوه) !

السلام عليكم

الله ياايام الطهر والشقاوه
مافيه مثلك يازمن رحت بجنان

أقصى طموحي فيك أشري حلاوه
واكبر همومي لعبه تمشي بحجران

طفله صغيره..والحزن بي فهاوه
يطيح جفني بالبكا..لجْل فستان

اقلّد اختي بالغنج والفتاوه
اجرّ كحلي بسّ ماصاب الأعيان

والحمره اللي كل ابوها سخاوه
غدا لها وجه الحلا مسرح الوآن

ألبس كعب...وآحس فيني سماوه
كني كبرت..وباقي الناس ورعان

أمشي شوي..وألتفت في طراوه
لحدن يغازلني...تراني لراكان

كبرت صدق...ومن ربيع النقاوه
شالتني كفوف الحيا ..مثْل حوران

حوّل على صيدتْه كله قساوه
روّح زمان اللعب..ياحلو الأزمان

ماعدت انا لاصحت..ودي (حواوه)
دمعة عيوني...صارت لهمّ واحزان

الشـاعره
أريج الرياض
غرام أطفال