|
الا يالله ارحمني برحمتك يامولاي
السلام عليكم ورحمة الله وبركاته
اليكم هذه القصيده كرهت الحيـــاه وعفت انا تالــية دنياي ولافيــه شي من المــلــذات يـرضيــني سنيني مضت ونا استمع عازفين الناي وش الي جنــيت من الطرب والمغنـيني اســافر عـلى لبـــنان ولا عـلى بومباي وعــود ونا ذنـوبي جبـال (ن) تباريني تضيــع يســاري كــل ماتجــمعه يمناي ونــا راتبي نصـــف الشــهر ما يكفيني اســوي ولد نعمه ونا خالي (ن) مخباي علــشان بــس اصــير قـــد مـتحـديـني وياكــثر صدقــاني وبالــفعل هـم اعداي وفي كـــل يوم يطيــح عشرين من عيني ويومين اصلي واخذ اســبوع في عمياي اكـــمل مسيري مـلتـــفت لـلمـصـلـيني احس بتضايــق واثــرها من كبـر بلواي واقـــول البــــلا فالنــاس ولا البـلا فيني عكست الطريق وصرت رايح ولاني جاي ولـــدري طـــريـقي ويــن نــاوي يوديني الا يـــالله ارحــمـنـي بــرحمتـــك يامولاي ولطــــاعتــك ورضــــاك يــارب تهـديني انا عبــدك المسكــين والمــذنب الخطـاي ولا لي ســـواك مـن المضــلات ينجيني يــارب تقــبل تــوبتي وستــمع لــدعـاي دعيتــك بكـــل اسمــاك يــارب تعفــيني وتغــفر ذنــوبي كلــهـا قبــل يجـي سراي لايــا قــلـت الحيــلــه ماتنــفعني ايــديني |
صح لسانك واعتلاء شانك مبدع الله لايضرك
|
صح لسانك قصيده جميله
والله يهدي كل ضال ويقبل توبة كل تائب .. كل الاحترام .. |
الله يثبتك ويثبتنا على الحق
وصح لسانك مليوووووووووووون |
جزاك الله الجنه وغفرالله ذنبك وبارك فيك هذه قصيده جميله تعالج مشكلة بعضٍ من الشباب هداهم الله تقبل تحياتي وتقديري
|
الضامي صح لسانك واعتلى شانك وانا دايم اقول لاتسافر بس انت منت بعاقل ههههههههه
تقبل مروري |
صح لسانك واعتلاء شانك مبدع الله لايضرك
|
الضامي صح لسانك
|
صح لسانك يالضامي لهذه القصيده الرائعه
|
هذا الشعر يالضامي والا بلا والله ما ادري ويش اقولك
مبدع ما تكفيك وايضآ كلمة شاعر قليله امام هذه الجزاله من القول احترامي الشديد واعجابي بما جادت به هذه القريحه الراقيه وايضآ احترامي لشخصك الكريم اتحتفتنا الله يسعدك |
| +4. الساعة الآن 07:36 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط