منتديات شبكة قبيلة الغنانيم الرسمية - فالح الغنامي (فالح وأنا أقصد في عباره فصيحه)

هـاضـت تعابـيـر الثـنـاء فالقريـحـه

للـشـاعـر الـلــي للجـزيـلـه مـخــوّل

فالح وأنا أقصد فـي عبـاره فصيحـه

هو شاعر المعنى وهو صـدق الاوّل

يافـالـح إن كــان الليـالـي شحيـحـه

حـظـك تــراه مــع النشـامـا مـطـوّل

أشـمـخ عــن المتـرديـه والنطـيـحـه

واللـي رقـى لا طـوّل الـوقـت حــوّل

ياشـاعـرٍ وقـفـتـك دايـــم صـريـحـه

ما أنتـه مـن اللـي بالقصيـد يتسـوّل

أنت الذي جالك على المجـد صيحـه

وانـت الـذي للشعـر الاصلـي إمــوّل

شاعر ومن نسـل الشيـوخ الفليحـه

اللـي عـلـى المـجـد الرفـيـع أتـجـوّل

أحـرار مـن خيـر الحـرار الجريـحـه

هـدتـك هــدت حــر مــا هــو تــزوّل

وإن كانهـا بسـيـوف زيـنـه وليـحـه

سـيـوف ربـعـك فالـمـواقـف تـهــوّل

عدوانـهـم وقــت الـمـلاقـا طـريـحـه

لـكــن زمـــان أول يـافـالـح تـحــوّل

الصيت يشرى مثـل شـري الذبيحـه

بالمال ولا الفعل..... خبرك من أول

أظهرت من صدري رموز الشريحـه

والعـلـم يــم أهــل الحقيـقـه مـعــوّل

تمت وأبـا أختمهـا بجملـه صحيحـه

جمـلـة ثـنـاء بالطـيـب دايــم تــأوّل

تعـيـش يافـالـح وشـعــري مـديـحـه

يـزهــاك ولا الـمــدح يـمــك يـنــوّل

وبيـوتـك الـلـي بالمعـانـي رجـيـحـه

غــدت مـثـل بـيـن الخـلايـق مـقـوّل

الشاعر مرزوق بن دحيم

منقولة من منتدى عتيبة الهيلا