كنوز الرجال مبعدين المغابيش
 

القصيده لمحمد بن مذكر المغيبي


يقول
وجه لي الشاعر نفل محمد الصخابرة الدوسري
قصيدة ويطلب مني ان نقوم برحلة على اهل البل في الربيع
فما وجدت افضل من زيارة شامان ابن هايف المغيري
وحمد ابو بطين الغنامي وناصر ابن عمارة المغيري
على الحد السعودي مع الكويت والعراق





يادوسري كثر التوجد على ويش
لاتشتحن وتزيد كيل النخاوي
اقفل مجـال اهـل المعاذيـر باالشيـش
واعـنـز عـلـى الــرب الكـريـم الغـنـاوي
اطــــو الــفــراش وودع ام الـنـقـاريـش
خــوتـــك والله مـاتــجــي بـاالـمـنــاوي
والله لــــوردك الــعــدود الـنـشـانـيـش
زحــول الـرجـال مخلـصـيـن الـدعــاوي
اهــل الـبـيـوت امتعـبـيـن الـطـواريـش
الـلـي لـهـم حــول المـعـقـم حـــراوي
في شف قطعـانٍ لهـا الكبـر والطيـش
مـيـزه اللـيـا طــق اللـبـيـد مـتـسـاوي
وضـح البـكـار الـلـي وبـرهـا عكـاريـش
وصـفـر ومجـاهـيـمٍ علـيـهـا الـعـطـاوي
مـارددوهـا فـــي شـبــوك الـدراويــش
ولاصلفـقـوهـا مـــع نـعـيـم الـشــواوي
مرباعـهـا فـــي خـايــعٍ مـابـعـد نـيــش
نبـتـه جـديــد وجـــاه سـيــلٍ رهـــاوي
وبطرافـهـا خـطـو العـيـال المـداغـيـش
الاد روق مــدلــهــيـــن الـــــجـــــلاوي
ابـن عمـاره متـعـب الخـيـل والجـيـش
وابــو بطـيـن الـلــي لـلامـجـاد حـــاوي
واللياغـدى كـسـب المـراجـل تـنـاويش
يـقـدم لـهـا شـامـان شـفـقٍ شـفـاوي
ربـعٍ علـى فـعـل الجمـايـل معاطـيـش
لاشـــح باالـهـيـن ضـعـيـف الـجــداوي
في ظلهـم يمشـي قليـل المحاويـش
ويـدلـه لــو انــه مــن زمـانـه شـقــاوي
كـنــوز الـرجــال مبـعـديـن المغـابـيـش
سلايل اللي يخلفون الهقاوي

صح لسانه ويستاهلون المدح ولا يوفيهم حقهم


لا هنت يابوحمد

كنوز الرجال مبعدين المغابيش !!
ياسلام والله ونعم وسبعة انعام
صح لسان الشاعر وبيض الله
وجه الناقل .. كلي احترام ..

والنعم بالجميع خصوصٍ خالي حمد الله يطول

عمره على الطاعه نقل موفق تقبل تحياتي

بيض الله وجهك وصح لسان الشاعر
تقبل واحترامي

صح بدنكم

ولاعليكم زود

ابو حمد صح قولك ومنقولك

وتنقل لقسم الشعر الشعبي