|
بمناسبة مروري على هذا المنتدى المميز
دخـولي المنـتـدى والله . يشـرٌفـني //// مرور. ولا نثــبـٌت واسـط الخـيمه مبغي على ذالمواقع من يعرٌفني //// مواقع ربوعنا هل "قدرن وشيمه" سقت النظر في سنع دربن يصرٌفني //// "إدارته" مانوت حجبه وتحريمه امٌا قصيدي على اليسرى يطرٌفني //// ويقال براق صيف"وزبرقت غيمه" ولاٌ مع الغانمين أيـمن يحرٌفني //// محراف من وصِل في بدع المثل تـيمه اغَرف عذبه قــبل غـيري يغـرٌفني //// وارسم بـيوته بلا هزعه وتــثليمه عشت الترف فيه مبغا من يترٌفني //// "متوارثه" والفتى يارث مقاسيمه "بارود" ماجا عبث . واللي يشرٌفني //// مرور"ذالمنتدى"وقفه وتسليمه اخوكم الشاعر / بارود العجمي |
الله الله
صح لسانك واعتلا شانك شاعر وما فيك حيله مرورك شرف لنا طال عمرك وان شاء الله تلقى مايسرك والله ونعم فيك وفي لابتك العجمان اخويانا وجيرانا .. |
والنعم يالعجمي ويا مرحبا فيك ويا هلا
صح لسانك شاعر وجزل ولك منا التقدير والاحترام |
الله ... الله
صح لسانك يا العجمى واكرر الترحيب فيك يا هلا ومرحبا |
صح لسانك
وشكرآ لهذه القصيده الجزله والرائعه والله يحييك بين اخوانك |
صح لسانك يالحصان
قصيده طيبه من وجهٍ طيب ومن عرب طيبين لنا معهم جيره وصحبه وأخوه وحياك الله ولانعدك غير واحدٍِ منّا |
صح لسانك واعتلا شانك
والنعم فيك يالعجمي ومرورك شرف لنا |
مساكم الله بالخير اخواني الكرام وياهلابكم
اشكر كل من مر وكل من اتحفني بالرد على هذه القصيده كما اشكر القائمين على هذا المنتدى المميز ...... وابارك لقبيلة الهيلا عامه والغنانيم خاصه بمناسبة نجاح الشاعر فالح بالتاهل لدور السته في مسابقة شاعر المعنى بجداره واستحقاق وبشهادة جميع المتابعين والنقاد وترقبو مشاركتي بهذه المناسبه . ولكم مني جزيل الشكر اخوكم الشاعر / بارود العجمي |
صح لسانك وحياك الله
|
| +4. الساعة الآن 05:42 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط