منتديات شبكة قبيلة الغنانيم الرسمية

- منتدى الشعر والقصص الشعبية (https://www.gnanim.com/vb/forumdisplay.php?f=11)

- - موفق خير يا فالح (https://www.gnanim.com/vb/showthread.php?t=8590)

موفق خير يا فالح

مادام "فالح" من اهل الشعر "غنامي" ///// والله لصوٌت واشارك ربعه "عتيبه"

لجل العنوٌه وانا من ربعكم "يامي" ///// ومن لاثنى فالمواقف قدره الخيبه

تكفون دام اللزز في شوطه الحامي ///// ازهم عتيبه شباب العون والشيبه

سوقو له اصواتكم . مايِرٌد الضامي ///// كود اللذي فالمـواقف هيبته هيبه

ادى حقوقه وقرٌب شوطن ختامي ///// نعم الوليده عسى تصفي مشاريبه

تمـثيل ربعه نـعـده موقـفـن سامي ///// عن كل (روقي وبرقاوي) مهاذيبه

والشيخ "سلطان" يحلف وبن وسٌامي ///// حـلفـه مـحله بلا شـكن ولا ريبه

ويشهد لفالح "ولد مبخوت" . وزلامي ///// "رشيد" لامن رما صابت مضاريبه

واللي حزامه من "الهيلا" رقا الزٌامي ///// في راس ظلعن طويلات شخانيبه

اقولها واختم الموضوع بإبـهـامي ///// والرٌمز "بارود" والمعنى على اللي به

# الشاعر / بارود العجمي

الله الله
صح لسانك يالعجمي واعتلا شانك
دعمك لفالح شرف لنا طال عمرك
انت من لابةٍ مشهود لها بالطيب والمواقف
الرائعه والطيب ماهو غريب عليكم يالعجمان
وان شاء الله نردها لكم في مناسبات قادمه لانكنم تستاهلون .. فلك كل الشكر والتقدير والاحترام

ارحب تراحيب المطر حظورك في هذا المنتدى
يعتبر مكسب في حد ذاته وموقفك غير مستغرب
حيث العجمان ربعنا ومعارفنا وجيرانا ولهــم منــا
كل التقدير والاحترام وقصيده جزله من شــــاعر
جزل تقبل تحياتي وتقديري

صح لسانك وبيض الله وجهك يالعجمي

صح لسانك يالعجمــــي ودعمك لفالح شرف لنا جميعا .. لاهنت مبدع في ماكتبت

صح لسانك يا العجمي
ويا هلا ومرحبا فيك يالغالي بالمنتدى

الله يرفع مقداركم جميعا وترحيبكم غير مستغرب اولاً ....
ثانياً لي الفخر بالمرور على منتداكم والمشاركه معكم
حيث ان فالح يستاهل من يوقف معه ويصوت له
ومن قبيلتن تستاهل (شهادة حق)
وبيض الله وجه فالح اللي خلاني متواجد معكم اليوم
والله يوفقه ان شاء الله ويرفع لقب شاعر المعنى

ولكم مني كل التقدير والاحترام

الله .. الله

صح لسانك

ياعجمي
قصيدتك تشوش اللي في راسه حميا

صح لسانك ملايين يالحصان

وبيض الله وجه فالح اللي جابك هنا

كفو ياوجه محلف

الله بيبض وجهك يا بارود ولا عليك زود

شرفتنا بهذه القصيدة وبتواجدك الجميل