العصايه نوب في صالح العاصي
 

ليتني ماطعت ناصر على رايه= العصايه نوب في صالح العاصي
ردني مع واحد(ن) مذهبه بايه= حافظ(ن) تاريخ مروان بصاصي
في محل(ن) فيه عشرين طفايه= صاحبه للخير ماهو غواصي
مهنته لأهل الخنا يرفع الرايه= يشتغل لمورد التتن باخلاصي
ياسعد خابرك تدري عن الغايه= مايداوي وجعتي غير مقناصي
شوف الارض المخليه غاية منايه= خص(ن) اللي نبتها فيه قراصي
ودي اخذلي مع الخبه ادوايه= لين كل اللي على الكبد يماصي
واكسر الفنجال في حاجر(ن) جايه= سيل بيض صلعت مالها حاصي
من مطرها يضحك العشب للحايه= والحباري تنتظر كل قصاصي
في خبوت(ن) بعد اجا عن جبل سايه= تفحي الفكسار الابيض مع الشاصي


ملاحظه
,,ناصر بن بتال المطيري صديق الشاعر
وسعد محمد المصعوك

ابو طلق

صح لسانك وبيض الله وجهك

والظاهر عندي مشكله فالمتصفح التنسيق ماضبط
اسمح لي

صح لسانك يانايف قصيده رائعه بيض الله وجهك

ابوطلق بيض الله وجهك

المشاركة الأصلية كتبت بواسطة طلال الغنامي http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
ابو طلق

صح لسانك وبيض الله وجهك

والظاهر عندي مشكله فالمتصفح التنسيق ماضبط
اسمح لي











اخوي طلال عدل لي في تنسيق القصيده(العصايه نوب في صالح العاصي) ان استطعت كرما وليس امرا