واهني اللي تساوى مع الخبه =فوق جيب(ن) يقطع العرق مرتاحي
اجبع(ن) فنان راعيه ينصبه =ميزوه بترس هزاز وجناحي
لونه ابيض والمثل فيه يضربه= ماقنوه اللي يحسبون الارباحي
يشتهيه اللي معه ذوق ويحبه= كنه الفارس اليا صاح صياحي
اوكما غيد(ن) بنا حضها قبه =ماتقلد جايزة جورج قرداحي
بنت عود(ن) بندقه تلقط الحبه= ماينوش حماه سارق ومزاحي
حايل(ن) من دونها الموج والغبه =ترهق اللي كان ماهر وسباحي
نارها لمدهش الناس مشتبه= تودع المجنون يضحك على الصاحي
نعنبوها تمدح الغي وتسبه =لين فكت باب قفلي بمفتاحي
قلب ابو مشعل من العام تلعبه= مثل لعب الغصن مع هوج الارياحي
والغرام افه ولاحدن لقى طبه =مايداوي علته كل جراحي

زرتنا هود(ن) من الليل يامنبه= جابك الشاعر بعذبات الاقراحي
شاعر(ن) عدا على الرجم وارقبه= وقام يومي للمولع بملواحي
ابومشعل شغل الجيب واجنبه =شب في راس الفتيله بقداحي
احسب انه سكر الباب بالضبه =......