قصيدة ومناسبة$$$$$
 

السلام عليكم

أتمنى أن تحوز فكرتي على إعجابكم وهي تتلخص في التالي:

1-كتابة قصيدة لشعراء مشهورين ونحاول بقدر الإمكان أن تكون لغنامي (متحمسة عشاني غنامية)
ومن ثم نتوسع في الموضوع طبعا بعد ان نعطي الغنانيم حقهم وننتقل إلى العتبان ككل
2-لابد من ذكر اسم الشاعر
3-ذكرالمناسبة التي قيلت فيها تلك القصيدة.

ودمتم

رد: قصيدة ومناسبة$$$$$
 

وأنا سوف أبدا
قصيدة الشاعر الكبير / مقحم بن دحيم الغنامي

لها مناسبه حيث كان ( يطلب ) عبث بن ضربون الغنامي فلوس وابطى عليه ماسدده وقال :
الا ياجماعه من لقالي عبث ضربون
تشالتبه الايام لين اقلعت سربه
شحن موتره زاد وكفرات برجستون
على شان ديانه يغرز على دربه
وانا مادريت انه بطول وعليه ديون
ابيعه على وضح النقا والله ابصربه
حلالي ثلاث سنين في بطنه المطعون
لياجاه ديانه مغير ايتميكربه
ولانا خابر ٍ لاله تقاعد ولا له شون
يبا يجحد العربان ويش يتعذربه
وابا ادعي عليه الصبح والعصربالطاعون
جحد مالي اللي كل يوم يتجرربه
نويت اضربه واخر فلاق ٍ وفيه طعون
لكن المشايخ ماتوافق على ضربه
اخم المعادي خمة الذيب للمجنون
عشايه غروب الشمس والا اتفطربه


ورد عليه الشاعر عبث بن ضربون الغنامي


الا ياهلا يامرحبا والعلوم تهون
بقاف العميل الشاعر اللي هذا ظربه
تمنن عليه وانت من ربعت(ن) يعطون
ولد شايبن يوم اللقا يحتمي السربه
وانا احسبك مثل العود صوره على الكربون
يعز الرفيق ويطعن القوم بالحربه
رماني نصيبي فيك يالصاحي المجنون
وانا ماعرفك لكن صارت لنا جربه
يحدن بعض الناس عن تجرته يدرون
ولا عود الله رزقه اللي تعصربه
وانا عايفه من يوم شفته كبير متون
من انعام ربي فالرخا مايلن ثربه
وانا ماعليه منه لو مطلبه مليون
يفرج لنا من مطلبه فارج الكربه
ولو انه يقوم بحرب هتلر فانا ممنون
خطاه وجداه وبصره اللي تبصربه
تجيه البضاعه جاهزه سرها مكنون
فحصها الخبير اللي عزلها من التربه
اخذها دحيم من المعلم على الطبلون
بعد مااستلمها منه قلبه غدا شربه

رد: قصيدة ومناسبة$$$$$
 

نبي همة وتفاعل

الموضوع يفيد في التعرف على تراث الغنانيم الشعري بالإضافة إلى زيادة الثروة الشعرية واللغوية والتعرف على أكبر عدد من الشعراء الذين قد يكونون مجهولون عندالبعض منا
ومن جانب أخر التمتع بما في الموضوع من القصص واخذ العبرة منها

رد: قصيدة ومناسبة$$$$$
 

مشكورة بنت روق

ومقحم بن دحيم شاعر علّم

رد: قصيدة ومناسبة$$$$$
 

مـشـكـورٍهـ بنت رٍوٍق علـى مأ فـكـرٍتـي فـيـه

ولـي عـوٍدهـ لهذـأ الموٍضوِعٍ


دمـتـي بـٍخ ـيرٍ