|
حفل تكريم شاااعرنا المبدع / فهــــد الغنــــــآمي ...
بسم الله الرحمن الرحيم
تتشرف قبيلة عتيبه الهيلا بدعوتكم لحضور حفل تكريم الشاعر / فهد طلق الغنامي (المشارك في شآعر المعنى من نسخته الثانيه) على شرف قبيلة الغنانيم يوم الاربعاء القادم الموافق 25 / 4 / 1432 هـــ حيث يحيي الحفل نخبه من كبار شعراء النظم و المحاوره. وتغطية قناة الساحه الفضائيه. الموقع الرياض - قاعة الاماكن - طريق جابر ويمنع منعا باتاً تغيّب من يحمل في بطاقته أسم الغنامي عن الحفل ..! و الدعـــــــــــــوة عـــــــــــــآمــــه |
على القوة وشهد شهادة حق بصفتي شاعر ان فهد من افضل ماشفت في
برنامج شاعر المعنى هذا العام وسبق ان نزلت تهنيه لقبيلة عتيبه في منتدى الهيلا ليلة الحلقه وانا الحقيقه ارى انه شاعر قبيله ان الله مده بالصحه والتوفيق يعلم الله اني دخلت هذا المنتدى بعد ان عرفت فهد في البرنامج لغرض اقول هذه الكلمه الله يوفقه شاعر جزل ورجوله. اهنئ قبيلة الغنانيم بهذا الشاعر القادم وفق الله الجميع |
الله يبّض وجهك يا سلطان وشهادتك محل فخــر لنا جميعا
وانا ممن شاهد موضوعك في منتدى الهيلا وممن علق عليه ونشكرك هنا وهناك .. وحياك الله في منتداك ومحلك طال عمرك وحظورك للحفل ترى لآزم :) |
اقسم بالله انه يشرفني يعلم الله بس تعرف البعد وضروف العمل ومثلك عارف
وانا من المنطقه الغربيه جده تعرف المسافه والضروف وخاصه هاليام عندي ضروف مشغلتني واجد ولاكن واكرر انني اتشرف خاصه في حفل فهد وفي خاطري كلمه كان بودي اقولها له وسبق قلتها بكل وضوح في منتدى الهيلا قسم النقد الشعري اكررر الله يوفقه ان شالله والعزيمه وصلت وانتم اهل الوفا ليس غريب عليكم تحياتي لكم وبالتوفيق |
الله يشرّف مقدارك يا سلطان
وعذرك مقبول طال عمرك , وكلامك وصل لـفهــد ويشكرك من كل قلبه ويسلّم علآك السلآم الكثير ويقول لك بيّض الله وجهك يا سلطان والله يوفقك |
المشاركة الأصلية كتبت بواسطة نواف الغنامي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif الله يشرّف مقدارك يا سلطان وعذرك مقبول طال عمرك , وكلامك وصل لـفهــد ويشكرك من كل قلبه ويسلّم علآك السلآم الكثير ويقول لك بيّض الله وجهك يا سلطان والله يوفقك لا شكر على الواجب وكلامي يختص بالشعر سواء ٍ فهد او غيره الحق يقال لمن يحصل عليه وانا والله معرفه شخصياً ولا اعرف اي رجل من قبيلته بس الشعر نعرفه اذا وجدناه وفهد الله يوفقه اعجنبي ولفت نظري عن غيره الله يوفقه تحياتي لك اخي نواف على ماتقوم به |
مشكور يا نواف على التنويه
بإذن الله اكون حاضر اجمل تحية |
الف شكر يا نواف على التنويه والعزيمه
ويستاهل فهد التكريم الله يوفقه ..احترامي |
نواف لاهنت على الخبر وابوطلق يستاهل
|
الشاعر فهد الغنامي شاعر بما تعنيه الكلمه وبصراحه
شاعر يملك ادوات شعر القلطه وسيكون له شان عظيم اول مره اشوفه في المعني وقدم محاوره مع زميله حسين بن شتوي الحبابي قويه وجميله جدا ونالت اعجاب الكثير والله يوفقه و انا اقدر واشجع فهد الغنامي من تشيجيعي لزميله حسين ويعلم الله علي اني ممن صوتوا لفهد وفرحت بتأهله سوالي عن الحفل هل الشاعر حسين بن شتوي بيحضر حفل تكريم زميله ارجو الرد علي لاهنتوا |
| +4. الساعة الآن 10:00 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط