|
الله يسامح غلاك ويلعن الحاجه
غيبتك لو هي دقيقه تعتبر صده الوقت عقبك سجن وغيابك اسياجه لا تعتذر لي ترى ماعاد في شده اعيد حكي ٍ يكود الصدر مخراجه دامه يوصّف بجود ابيك وبجده وشلون تبخل على المجروح بعلاجه ووشلون قاوااك قلبك رده وصده مع انه بيّن عليه الضعف والحاجه ياقو قلبك برد ايمينك ورده بخلت بمصافحه وارهيت بحراجه لو ماسقى غيم عينه جرهدي خده تراه يبكي وقلبه يلحق اخلاجه ولو شفته يمازحك تراه من جده الضحك عن درب ضيق الصدر ماعاجه غير الوله والغلا عليك وش حده يادرب ليله ويامسراه وسراجه كنّه يعرفك قبل يلقاك من مده مع ان مابينك وما بينه امواجه هواك بدو ٍنووا للقلب بالشده ورياض قلبي لشوف البدو محتاجه والوصل بحر ٍ متى انت بتسمح ابمده السيف صبري وبحرك شح بامواجه قصيدي اللي قريته واللي اعده قديم لا يزعلك معناه واخراجه وفراغ قلبي غلاك ارهى على سده ليتك تشوف الغلا وابراجه وعاجه اقوى رياح العذل ما تقدر تهده والا الجفا لو تنفس هدم ابراجه تغانم الوصل لن البعد لابده ياتيك في يوم ثم ياخذك بادراجه اللي لي انك تلين وتترك الشده واللي لك اني ماسولف بك لهراجه ولاني بزعلان واللي نرتجي مده يا باب قلبي ويا قفله ومزلاجه زعلة تغلي ومن تزعله من قده ما دام كل ٍ يبي دربك ومنهاجه غالي وتبخل علي وتطّول الصده الله يسامح غلاك ويلعن الحاجه اتمنى تنال اعجابكم ,,,تحياتي ,,, |
قصيده جميله وفيها شاعريه قويه
عني اعجبتني ولو اني ما احب الغزل صح لسانك ..............احترامي |
مشكورة والله يعطيك العافيه
على القصيده الجزله تحياتي وتقديري |
سمو الذات .شكرا لمرورك. اما ماتحب الغزل
سلمان العطاوي شكرا لمرورك |
الشاعرة بنت ابوها
مبدعة ومتميزة في الانتقاء |
بنت ابوها ابداع ابداع ابداع
كنّه يعرفك قبل يلقاك من مده مع ان مابينك وما بينه امواجه واحسن بيت اعجبني تحياتي واحترامي لك ولقلمك |
صح لسانكِ .............
|
مخاوي الذيب لاهنت على المرور
الرعد مشكووووور على الرد ايادالروقي .. شكرا لمرورك |
مشكوره صح لسانك..........
|
صــح لــســااانــك
|
| +4. الساعة الآن 10:01 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط