|
خمسة عشر فنجال لحنيف صبيت
اطراف القصه والقصيده:
1- ناصر بن ابراهيم العبدالكريم 2- حنيف بن سعيدان المطيري ودارت القصه في مدينة حرمه بسدير.. كان حنيف بن سعيدان مقيما في حرمه وان كان كثير الاسفار والترحال بأسباب الوضع المعيشي الصعب في ذلك الوقت... وفي يوم من الايام ذهب حنيف الى زيارة صديقه بن عبدالكريم فوجد منه الترحيب وقدم له القهوه ,وجلسا يتجاذبان اطراف الحديث حتى دخل عليهما بعض الضيوف وزاد الطلب على القهوه وحنيف..مازال يرتشف الفنجال تلو الاخر... فأراد ناصر بن عبدالكريم ان يمازح حنيف ...وقائلا خمسة عشر فنجال لحنيف صبيت....لو أن بطنـه قربـة قـد ملاهـا فرد حنيف على الفور : لا تحسب إني من دلالك تقهويت .... ماتقنع الشراب من كثر ماها قال ابن عبدالكريم : يا حنيف أنا في حمستي ماتدانيت = الدله الصغراء نكثر مناه فرد حنيف : وراك ماسويتها يوم سويت.... مثل العميم اللي يعدل سواها أبن عقيل اللي يهلي لياجيت.... يضحك حجاجه وأن غلى مشتراها فقال ابن عبدالكريم : سبيتها يوم انت للضلع لزيت....وضيافتك ياحنيف هذا جزاها ودلال ربعك يوم بالزين ماريت.... هم ربعنا قبلك طوال خطاها حنيف: مانيتي ذمة هل الجود والصيت.... الملعبه بين علينا سناها ياموصي الحرمه على صكة البيت.... تقول ماهو فيه وأنتا وراها فقال ابن عبدالكريم : ياحنيف وبحرمتك وش سويت.... يوم المره اتعسرت في ضناها حنيف: علم الردا يظهر ولو به تتقيت.... علم وكاد ويشهدون اقصراها فضج المجلس بالضحك على هذه المساجله الطريفه والجميله في نفس الوقت وبقيا بن عبدالكريم وحنيف صديقين حميمين .. |
ابو مشعان
صح قولك ومنقولك لاخنت من ذو مبطي نسمع هذا البيت لكن ماعرف قصته لاهنت |
العبرود لاهنت
صح قولك ومنقولك يالعبرود تحياتي لك |
وضـحك من قرأ القصـه والمبادعــه
ومشكوور على مانقلت |
صح قولك ومنقولك
|
مشكور والله يعطيك العافيه
على الطرح الاكثر من رائع تحياتي وتقديري |
بارك الله فيك .... العبرود نقل مثل هذه القصص له مردود ايجابي
نسمع باغلبها ولا نعرف القصة الحقيقية تقبل مروري |
العبرود
صح قولك ومنقولك |
ما شاء الله عليك يالعبرود انت الراوي حق المنتدى
قصص تراثيه وجميله ومميزه ..........الف شكر |
سامي بيض الله وجهك علومك كلها غانمه
تقبل احترامي |
| +4. الساعة الآن 06:32 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط