|
العولمه لزمــة زبــيــن
قالـوا جـديــدك قـلت ما من جديدي ... ألالــيــا قــلت الدهر وش جديـــده لا حل عــيـديـه ولاحـــل عــيــدي ... العولمه لزمــة زبــيــن بـوريـــــده قم يا نديبي فـوق صــاف الحديدي ...جيبٍ شبح طول السفر ما يكـيــده ينوز في المطلاع نوز الــفـريــدي... ولا رقعوا عند المسمكر حـــديــده شف الـغـريـب الـلـي ديـاره بعيدي ...اللي لقا أحبابه مــن أيــام عــيـده وملـفـاك أبو تركي ونعم العضيدي ... يومٍ كلٍ يـفــتــخــر في عــضــيـده وسلم عدد مــالاح بــرقٍ سـديدي... واعداد ما خط القلم في الجـريـــده وقله لو الدنيا عــلـى مــا نـريــدي ... ما ضاع مال ولا فـقدنــا فــقـيـــده لكن كلن مقــتــفــيــه الــشــديــدي ... عينت وين أهل الصفـات الحميده حلّوا وكـلٍ راح مــنــهــا وحــيــدي ...ما عاد باقي من سلـفــهم شــريده جيلٍ رحل فيهم يزين الــنـشــيــدي... أهل الكرم يوم السنين الـشـديـــده واليوم جا حامد وعبد الــحمــيـدي ... ويا ما تشوف من الـوجيه القريده حتى الرويبض قال أبوي العقيـدي... وجدي يناطح في المــلاقى بديده ولا كل ما تسمع من الهرج أكيدي ... اليوم ياقـــل الــعـلــــوم الأكــيـــده واشوف ناسٍ للنــمـايــم بـــريــدي ... مابين هـــن وهــــن وزع بـــريده عنده لعـثرات الأجــاويـــد قــيــدي ... شين النبا في كل مجلس يــعــيــده وليا بغيت المختصر والــمــفــيدي... ما كل من سمع النصيحه تـــفـيده الشاعر مشلح ابن براك الغنامي وقدرديت عليه بهذه الابيات ألفين ترحيب ونعيد ونــزيــــــدي ...برسالةٍ فيها بـــيوتٍ فــــريــــده واعداد ما جر الحـمام تـغــريــــدي... في روس عـلـطٍ مــايلاتٍ جريده خليتني للــذكريــات أســتعــيـــدي ...هاك المجالس والوجـيه الرشيده روس الرجال مطوعين الـعــنيدي ... دين وشجاعه والمــواقف سديده واليوم وقتٍ فيه راع الــرصــيـدي ... يمدح لو إنه مايــــعـــادل رصيده هذا زمـان أهل العلوم الـهــبــيـدي ... وتضيع لاجات الــظـروف العنيده وكان الرويبـــض صار وده يسيدي ... ويعد نفـسه في زمــــانـــه وحيده لو قال أنا من ساس مجدٍ تلــيـدي... مــــــدحه لــعمره ينقصه مايزيده وذكرت ناسٍ للنــمـأيــم تــجــيـدي ... اللــــــي على الاجواد عجل ٍ هديده يبحث عيوب الناس مـايستهيدي ... همـاز لمازٍ حيــــاتــه زهــــيــــده قله ترى مـعـك رقـيـب وعـتـيـدي... يحـصون فعلك والـجوارح شهيده بيـــومٍ من أهـواله يـشـيـب الوليدي ... يومٍ به الخالق يجـــــــازي عبيده الكافرين إلهم حـمـيـم وصـــديـدي ... والمؤمنين إلهم حياةٍ ســــعيـــــده وليا بغــيت المختصر والـمــفــيدي ...المعــصيه ذل وحـرام ونـــقـــيــــده الشاعر سلطان ابن براك الغنامي |
سلام عليك يابو تركي انت ومشلح ابن براك صح لسانك ولسان مشلح وبيّض الله وجيهكم على العلوم الغانمه والبيوت الحكيمه العظيمه
|
المشاركة الأصلية كتبت بواسطة مُبهم http://www.gnanim.com/vb/images/gnan...s/viewpost.gif
http://www.gnanim.com/vb/clear.gif سلام عليك يابو تركي انت ومشلح ابن براك صح لسانك ولسان مشلح وبيّض الله وجيهكم على العلوم الغانمه والبيوت الحكيمه العظيمه وجهك ابيض ولاعليك زود وشكراً على مرورك وتعليقك والله لايهينك |
صح لسان ابوعبدالله وصح لسانك ياابوتركي وبيض الله وجيهكم
|
صح لسان مشلح بن براك
وصح لسان سلطان بن براك وبيض الله وجهك على النقل ...............الف شكر |
سطام سمو الذات مشكورين على المرور ووجيهكم بيض وتقبلوا تحياتي
|
.
. عندما تكون بينك وبين مشح يا ابو تركي يكون لها معنى وقيمة وطعم اخر وعادتك انت ومشلح كل قيم وجزل ومفيد وجدا اعجبني هذا الحوار الشفاف بينكما تحياتي لك ولابو عبد الله اخوك : سلطان .. |
المشاركة الأصلية كتبت بواسطة سلطان مطلق الغنّامي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif . . عندما تكون بينك وبين مشح يا ابو تركي يكون لها معنى وقيمة وطعم اخر وعادتك انت ومشلح كل قيم وجزل ومفيد وجدا اعجبني هذا الحوار الشفاف بينكما تحياتي لك ولابو عبد الله اخوك : سلطان شكراً على مرورك وتعليقك ولاعليك زود تقبل تحياتي .. |
الله الله
صح لسان مشلح وصح لسانك يبو تركي وبيض الله وجيهكم على هذه الدرر . |
المشاركة الأصلية كتبت بواسطة وحيد الجزيره http://www.gnanim.com/vb/images/gnan...s/viewpost.gif
http://www.gnanim.com/vb/clear.gif الله الله صح لسان مشلح وصح لسانك يبو تركي وبيض الله وجيهكم على هذه الدرر . شكراً على مرورك العطر وجهك ابيض ولا عليك زود |
| +4. الساعة الآن 06:22 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط