ومالي واحلالي
 

يالربع انا سرقت دراهمي
البارح حملت حطبي اللي انا اجمعه ألي شهر في دنه وجلبته للرياض وبعته على هل البسطات اللي في شارع جابر باربعة الاف وخمس ميه وحطيت الخمس في عبي والاربعه طويت علاها رقعه وفوق الرقعه لستك وربطتها بسيم وحطيتها تحت المرتبه وليني عمسان من مناكخ الحطب ورحت لين جيت في طلحات بين سلطانه وصلبوخ وقيلت فيها واخذتلي غطه ويوم قمت وليا السياره معفوله تقول فارسها ذيب وليا الدراهم قيمة الحطب ما منها وليني في الخلا ما حولي الدومري وبغيت ابلغ الحكومه وليا الحطب ممنوع وذليت انهم يقولون منان جبت الدراهم وانا ما اقدر اخفي على الحكومه شي وان قلت قيمة حطب اخاف يحبسوني
ان شكيت مشكله وان سكت مشكله وقلت ابا اشرفكم ارب انكم تلقون لي حل وسراق الدراهم اكيد انه شايفني يوم اصرها في اللستك وراقبني لين غطيت وسرقني
ربعي يا حبتي اللي سرقني من هل الرياض ما فيها شكه افزعولي وكلن ينشد اللي حوله ارب ان الله يعقل علي حلالي ترى الدراهم تبين على اللي سرقها اما شراله حاجه وشافوها العرب معه والا بينة في عبه وهيه تراها بينه ست ورقات امهات خمس وخمس ورقات امهت ميه وعشر ورقات امهات خميسن وكلهلن علاهن صورة الملك الله يطول عمره
والله لونكم مسروقين في كشب ما تروح بأذن الله اخذوها سويه مني
ربعي ياحبتي

يا هلا والله يابو اياد شرفتني بمرورك
شكرآ على المواساه الله يحفظك
الشكوى على الحكومه لا انا خايف يعرفون انها قيمة حطب ثم يحبسوني انت عارف الحطب ممنوع ها الايام وانا ما ابغا مشاكل وابو علي اثره حول مسرح الجريمه والله انك شككتبي فيه بس ما اظنه يسرقني

الله يعوض عليك يابورامي مار هذا الحرص الزايد

لونك مخليها في عبك ولا فوق الطبلون محد جاها

هالحين وصف لنا مكانك نبي نجيب المري ثم نطلع

لك الحرامي من تحت طقاطيق الارض وسلامتك اهم شيء

الحمد لله انك سالم ...................تحياتي

المشاركة الأصلية كتبت بواسطة سموالذات http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
الله يعوض عليك يابورامي مار هذا الحرص الزايد

لونك مخليها في عبك ولا فوق الطبلون محد جاها

هالحين وصف لنا مكانك نبي نجيب المري ثم نطلع

لك الحرامي من تحت طقاطيق الارض وسلامتك اهم شيء

الحمد لله انك سالم ...................تحياتي


لوانك تعبان فيها مثلي تناكخ الشيران كان تحرصة اكثر
لاكن اقولك المال الحلال ما يضيع يبا الله يعقلها
فيه واحد متهمه والضاهر انها ما تعدته
مسري علي قبل يومين يقول جوالي مفصول واليوم مسددن جواله والرواتب ما نزلت مناله الدراهم تهقى
وبعدين يوم تقول نبا نبلغ الحكومه انت تباهم يحبسوني انت ما تدري ان الحطب ممنوع ؟
لا يبا الله يجيبها بدون شكوى والرجال يبا يعترف انشالله
اسعدني مرورك ياسمو الذات مشرف كالعاده
شكرآ لك

معاوض بخير يابو رامي ماراح من شئ على الله بداله

المشاركة الأصلية كتبت بواسطة أبو إياد http://www.gnanim.com/vb/images/gnan...s/viewpost.gif


http://www.gnanim.com/vb/clear.gif

لا لا الموضوع حوله والدعوى مافيها كلام الرجال كني قريت في احد ردوده يقول جواله مفصول
عن الخدمه وهذا يقربه من مسرح الجريمه لانه محتاج يسدد:d ذياب حاول لاتمر من هنا :p




الظاهر انها ما تعدته وانا ابرى لله من ظليمته بس كل الدلايل تقول انه هوه
لا وابشرك فيه رجال يبا يجينا شوي وعنده شهاده علاه
بس اللي انا ناقلن همه حنا كيف نلزمه يقولون ما يمرح الا في راس ظلع من جبال طويق ما يجيه غير الطيور

المشاركة الأصلية كتبت بواسطة ابوعليط العطاوي http://www.gnanim.com/vb/images/gnan...s/viewpost.gif


http://www.gnanim.com/vb/clear.gif
معاوض بخير يابو رامي ماراح من شئ على الله بداله



مشكور يابو عبدالله على المرور والتعليق
بناخيك سارقني وانت تواسيني خلصني عنه ان كانك صادق