منتديات شبكة قبيلة الغنانيم الرسمية

السلام عليكم -
اليكم هذه القصه التي تتضمن ابيات من الشعر.
وهي لثنين اخوان ايتام واحد امام مسجد ما يطلع من المسجد. الثاني قلبه خضر مغزلجي وله خاله مطرفةً عن الديره ولهابنت يحبها ويروح يم خالته يخدمها عشان يشوف حبيبته بنت مزيونه وناوي يخطبها.وفي يوم من الايام قال المطوع لخوه انا طالبك طلب قال انت اخوي واكبر مني ومطوع وتطلب انت تامر
امر ابشر قال المطوع ابيك تمسك المسجد مكاني لين اجي قال
وين بتروح قال والله ابي احج قال بتطول قال والله حول ثلاث شهور نبي نروح على البعارين ومكه بعيد قال اجل انت خابرني فيد مسجد وانا اقوم بخالتي منا قال انا طالبك ما نبي تنقطع المصلحه الي تجينا حاول قال طيب امرح والصباح رباح يمكن
ربعك الي موعدهم ما يجون يوم قامو وصلو الفجرلين اخوياه
مبركين ركايبهم عند المسجد قال يالربع ياجماعة المسجد سامحوني انا حجاج قالو الله يسترعلاك الله يسترعلاك ولاكن من
الي يبا يصلي بنا قال اخوي فلان وهم يتلافتون في بعضهم
خابرين اخوه هواوي ماهو يم المسجد قالو الله يردك سالم .
المهم قام يصلي بهم اليوم الاول واليوم الثاني اسبوع وبنت خالته تفقده قالت يمه فلان عسى ما جاه شيء من اومور الدنيا
له اسبوع ما جا قالت الام انا ابي اروح انشد عنه وهي تجي قالت يامن يعلمني بعلوم اليتمان قالو والله واحد حج لبيت الله والثاني يصلي بالجماعه قالت اكيد فلان الي حج قالولا الي حج المطوع قالت وفلان مسك المسجد قالو نعم قالت الله يهدي من يشاء وهي تعود لبنتها قالت ابشرك انه طيب ويصلي بالجماعه
قالت البنت ماصدق لين اشوف بعيني تعرف سوالفه قالت امها ارواح ويجن عند باب المسجد مع صلاة العصر قال المذن اقم وهويقيم وهويتقدم في المحراب قال استوو وهو يلتفت يبا يقول اعتدلولين هاذي البنت وهي ترفع الغطا تبي تأكد منه قال -

تعدلوياهل القلوب المواليف-صيرو ورى القراي خمسة صفوفي

احلف برباًحيزم الغرس بالليف-مرجع بصريعقوب بعد الكفوفي

انك منايف لابسات المشانيف-والكاذب الله ياعسى مايشوفي

الله اكبر صلى ويم خلص لينه مستحي من الشيبان ماله وجه لين ولد عمه لكيع وراه قال فلان قال نعم قال لك اسبوع مامثل صلاتك الا هاليوم دخلت حديث بين تكبيرة الاحرام والاقامه انا طالبك تعيده قال لالالا هذا حديث اسناد ضعيف ضعيف جدً وما ينعاعد.................اتمنى تنال اعجابكم تحياتي