|
وجد عود حاذ..........؟
البناخــي كل ماهبت نسانيس الشمال=يتوجــد وجــد عـــود حاذفينــه فالرعـــاه أحتمــى باول زمانه بالبنات وبالعيال=وماتوقع من حديهم بالزمن يشقر عصاه جحدو كل الجماله وقطعو حبل الوصال=ماوفو باللي عليهم ماشرو لحظة رضـاه في هنــاهم ماتهنا بالمبيت وبالظلال=رافق لحر الهجير وسامر(ن)نجمة سماه راجي شبل يعينه يسقي الشربة زلال=ويتسنـد في مـسيرة ياعسـى ربـي ياقــاه عاش يومه في نكادة والشقا يفتل حبال=ماتجزع بالمصايب والزمن يطــوا وراه ماذرف دمع الغبينة ولاشكا حمل الجبال=ولامشا درب النذالة مع القريب ولاأخوياه مال وقته للتعاسة والحزن جاله مجال=يوم ناظر فالكراسي ضاقت الدنيا عــلاه ياذهــول في غبينة يادموع وسط جال=احتواه الحزن كله ياخسارة من رجــاه غابت البسمة وضاعت كل لحظات الدلال=فاقد صوت اللطافة فاقـد حــب الجبــاه يتذكــر مامضــى كيف القمر عود هلال=وكيف صبح مرتجينه ألتحف ظلمة مساه يادمــوع هلـها الشايب على ذيك العبال=يوم رجله داجت القفر المخضر في رباه مـابقــى زهـرة سعادة مابقى شي يقال=مابقى يـوم يسجـل فـي ملـذات الحــياه يتحــرا للممـات وينتظــر شــد الرحال=ياعسى يومه قريب ويجبر المولى عزاه |
صح لسانك الاهنت
|
البناخي
تسلم يمينك |
تسلم يا بناخي الخلاوي
|
لا هنت على ما اوردت والله انك خليتنا نعيد النظر في حساباتنا بهذه القصيده
هذه المعاناه تجعلنا لانعول على ابناء ولاكن نقول الله يصلحهم وينفع بهم ولا يتكلنا عليهم تقبل اعجابي بما اوردت |
يعطيك العافيه
بناخي الخلاوي |
[marq="3;right;3;alternate"]
(ابوعليط) الف شكر لك من الاعماق على الاطلاع والرد الطيب [/marq] |
اخوي (طلال)
صح بدنك واشكرك على الاطلاع والرد الطيب |
(مخاوي الذيب)
كل الشكر لك على الاطلاع والرد الطيب |
(ابور رامي)
مشكور من الاعماق على الاطلاع والرد الطيب |
| +4. الساعة الآن 10:46 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط