منتديات شبكة قبيلة الغنانيم الرسمية - ابيات حكمة من شعراء عتيبه

بسم الله الرحمن الرحيم

بعض من ابيات الحكمة لشعراء من عتيبة الهيلا

فرز الحافي العتيبي :

ما رية الترحيب طلق الحجاج =وغير الكلام الزين ومفطح الضان

بندر بن سرور

ياعنك ماتشفيك ذباحة التيس = ربع السلق مادام حملك خفيفي
وأخير من هاك الوجيه المفاليس = البعد عن معروفهم لو تضيفي
يلحقك منهم بعض الايام تنجيس = ثوب النجس لو كان ثوبك نظيفي

بندر بن سرور

صادق رجالن يعرفون الصداقه = يقفون صفك يوم يبسات الأرياق
ومن يرغب فراقك فعجل فراقه = جاز الذي يجزيك أفراق بافراق

بديوي الوقداني

عفت المنازل وروحي يوم اجنبها = منها غنيمة وعنها البعد أولى لي
لا خير في ديرة ٍ يشقى العزيز ابها = يمشي مع الناس في همٍ وإذلالِ

مخلد القثامي

اوصيك بالخطار في هاشل العشا = ليا نصـوبك لا تقصر وجيبـها
باشر لهم بالطيب والكيف والذرا = وقرب معاميلٍ على الله نصيبها

محمد بن فهيد الاسعدي

يازيد انا ودي تسوي سواتي = هذي سواة معرب الخال يازيد
يازيد لامروا هل الموجفاتي = اقحص لهم عجل بالاوماي يازيد
يازيد انا يابوك لذة حياتي = شوف النشامى لا لفونا تقل عيد

عبدالمعين بن عقل بن ثعلي

الا بحب اللي بناري مناحير = صفرن على جال المناره مقاعي
يازين شبت نارها للمسايير = لجالهم عندي عليها اجتماعي

ابو عبيه المقاطي

وترا الكرم من طيبات الصفاتي =والبخل لوم وشوم وخصلة عذاريب
وكم واحد مثلي وسوا سواتي =لامات من فقر ولا حل به عيـب

ناصر الشغار

افرح ليا صكو عليه ربوعي=وارفع لهم بيت وساع رباعه
وعندي لهم مثل البطاط الوقوعي=كيف لشراب القهاوي ولاعه

الله خلقني واعتنى بي من الضيق = والفقر عن سلم العرب ما حداني
ما قط مني راح ضيفي على الريق = ولا شان وجهه يوم شان الزماني

هلال بن دخيل الله المغيري

وليا لفا مع هجعة الخلق خطار= دور لهم كبش كبير النوادي
اما معك والا مربيه تجار = اشره ولو قالو لك الخلق غادي
حذراك حطت للمشاكيل معذار = ورزقك يجي من عند رب العبادي

حويد العضياني

يا ماذبح من حايل صنفوها = في حزة القفره ليالي الوزامي

محمد بن فهيد الاسعدي

أذبح لهم كبش رعى بالخلا هيت = كثر لهم سمن على غالي الزاد
المرجلة ما تدركه وان تدانيت = اعنز على ربك يعينك بالانفاذ

بندر بن سرور

وخطوا البخيل اللي على السد يقصف = وان مد له مده لياهي حقيره
هو مادري ان الرزق للحي يصرف = يعطيه من يعطي العطايا الكبيره

مناحي الهيضل

وترى البخيل ولو جمع له قطيعين = لو كثر ماله مثل نبت الهراسه
مخطئ من الدنيا ومخطئ من الدين = راضي على درب الردى والخساسه
يبخل على نفسه ولو هم غنيين = مثل الحبيني يوم رزقه لحاسه

بديوي الوقداني

عز الفتى راس ماله من مكاسبها = يا مرتضي الهون لا عزٍ ولا مالِ
ذللت بالروح لين ارخصت جانبها =وانا عتيبي عريب الجد والخالِ
قومٍ تدوس الأفاعي مع عقاربها = ولها عزايم تهدّ الشامخ العالي

شليويح العطاوي

ياناشدن عني تراني شليويح = قلبي على قطع الخرايم عزومي
ان قلت الوزنة خذوها المشافيح = اخلي الوزنة لربعي واشومي

ناصر الشغار

وأنا احمد الله مارفيق ٍ شمتني = والعوج ماعقّبتها فالقبيله

مخلد القثامي

تغانم شبابك قبل يلعبك الجهل =تغانم زهرها قبل يابس ركيبها

العفار ضيف الله بن تركي

عاداتنا نرعا الخطر دايم الدوم = يرعى دبشنا فيه والحظ قايم
نرعى بربع كنهم دولة الروم = مركاضهم بالضيق يجلا اللوايم
لاصاح صياح الضحا جن حثلوم = الخيل بالفرسـان عجل همايم