منتديات شبكة قبيلة الغنانيم الرسمية - تركي بن حميدالاميرالشاعر

نومك طرب وانا بنومي هواجيس= ماساهرك بالليل كثرالهمومي

اسهرليا نامت عيون الهداريس = وبالليل اراعي ساهرات النجومي

قالوجهلت وقلت جهلابلا قيس = الجاهل الي مايعرف الهمومي

اشوف عدلات الليالي مقابيس= ولاحدٍ من الدنياعضامه سلومي

تضحك وتخفي لك خفي الهناديس=تفطرلها يوم ويومٍ تصومي

عامين وتلقا وافهم العلم بالقيس=دنياك لوزانت تراها ندومي

والعزفوق معسكرات السواديس=لياقصدة الي بالاشيا رحومي

قباً تنازا بالنشامى كراديس = والطيرفي روجاتهنه يحومي

ليا توافق مشورالسو وابليس=تبرمنهوعز ربي يدومي

بالليل اصالي حاميات المحاميس=والصبح اصالي كل قباً قحومي

اربع سنين ودمع عيني اماليس=والعين تسهركن فيها هزومي

وليا ركبت معالجات المضاريس=يبردعلى قلبي لهيب السمومي

صوابنا بالحيل عمقاً ليا قيس= طريحنا في مثبره مايقومي

ولاخيرفي كثرالحكي والتماليس=هرجاً بلافعلا يجيبه وهومي

ومن لايدوس الراي من قبل ماديس=عليه داسوالعيال القرومي

ومن لايقلط شذرة السيف والكيس=يبدي عليه من الليالي ثلومي

والحرلا دبة عليه النواميس = يشهر وعن دارالمذله يشومي

اوجس بقلبي مثل دق النحاحيس= الله يلوم الي لحالي يلومي

يحلي صدى قلبي وبيح المهاريس=لاقام شراب القهاوي يعومي

وصلاةربي عد رمل الطعاميس = على شفيع الخلق يوم الهمومي

هذه القصيده للشاعر تركي بن حميد العتيبي-
يقال انه قالها بعد مقتل شقيقه في احد الغزوات
باربع سنوات -ويصف حاله في البيت الي يقول

اربع سنين ودمع عيني اماليس= والعين تسهركن فيها هزومي

قصيده من اروع القصايد الي سمعتها في حياتي وان شاء الله تعجبكم
والمعذره على جميع الاخطا .......................................