|
ابو جميل و تركي
ياتركي الفين نسمع عنك بعض الكلام = ومطير ماودنا نشذب عراقيبها
اما ليا جيتنا وقف 00ورد السلام = ولا نكبناك نكبه مانت داريـبها |
رد: ابو جميل و تركي
السر مدفون مابين اللحم والعظام = واهل المواجيب ماننقص مواجيبها
أنا سلامي عليكم00مرةٍ كل عام = واهل الهناديب ماتـنفع هناديـبها |
رد: ابو جميل و تركي
رشيد
انته من العام تخلطها حلال وحرام = ماعاد لك قبلةٍ تعرف تصليبها تشيل عشرين طلقه ميته بالحزام = وتزهب البندق العجرا وترميـبها |
رد: ابو جميل و تركي
تركي
اللي يقول الحقيقه مايجيه الملام = والنار ياكثر من يشعل مشاهيبها إن كان عين الزلامي مايجيها المنام = من يرخي إذنه لهرج الناس يوحيبها |
رد: ابو جميل و تركي
رشيد
ترا معي حيلةٍ لمخالفين النـظـام = واللــه لخليك ياتركي تهذريـبها وإني لطاردك وسط المملكه شرق شام = لين الطروق الرزيله ماتغنيبها |
رد: ابو جميل و تركي
تركي
أنته00وانا 00كلنا متقاسمين الطعام = لكن الايام لاتامن عواقيبها ياراعي الخشم خشمك لا يجيه العرام = لحيتك تقديرها من قدر أشانيبها |
رد: ابو جميل و تركي
رشيد
الوقت يا شاعر المطران جاله سنام = لكن عوجة رقبته00وش نسويبها والحر يشبك بفرخٍ من فروخ الحمام = يا طيبها يوم جابت صقر ياطيبها |
رد: ابو جميل و تركي
تركي
صل الفرايض وحج البيت واقض الصيام = لا عاد سبحتك للعالم تواميبها النور يا شاعر الروقه00 يزيل الظــلام = وحنا صقور ٍ تعشيها مخاليبها |
رد: ابو جميل و تركي
رشيد
انـتم قبيـله لكن الطق فك اللحـام = مطير قوم ٍ خلقنا اللــه لتعذيبها سقناك من قلة الحره لغربي نعام = ديار تصبح بها00 وديار تمسيبها |
رد: ابو جميل و تركي
تركي
أعرف عشيره واعرف الجمش واعرف جهام = ياشيب عينك من المطران يا شيبها تحمد الله00 وريح فوق ريش النعام = ضيوفكم ماتبا تجرح معازيبها |
| +4. الساعة الآن 03:55 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط