موقف طريف,,,,,,
 

كثيرة هي المواقف التي تمر بحياة كلا منا ...
ولكن فيه مواقف لاتزال عالقه في اذهاننا...
نريد منكم تسجيل موقف طريف اوصعب اوسموه اللي تسمونه......
الموقف اللي صار لي ايام الدراسه سبحان الله العضيم تصدقون انه باقي راسخ في مخي,,,
كنت في الصف الدراسي الاول متوسط يعني قبل 27سنه ..جالس في الصف وسط الفصل المهم كان فيه مدرس تفسير واخذين درس جديد بل ماده جديده علينا والمدرس هذا فيه حول بعينه اليمنى وقاعد في الشرح من بداية الحصه وانا احسبه يطالع في اللي جنبي فسال قال الله اقسم بأيه ...
وانا احسبه مايقصدني فقام يقرب شوي شوي بين الصفوف فيوم قرب لهبني بهاك الكف اللي يحبه قلبك ..ههههههههههه
قلت في نفسي يا ويلي ويلاه وابك العلم ويش ؟؟
ليني طاير هناك ويا لسوء حضي ..
قلت ياخوي انت تكلمني ولا تكلم زميلي ؟؟
قال لا انا بكلم الحيطه ...
الله يسامح هالمدرس هذا والله الموقف مايروح
من مخي ابدا ابدا,,,,

هههههههههه
والله موقف ماتحسد عليه

ههههههههههه موقف قوي
والحمدالله على السلامة

هههههههههههههههههههههههه
ههههههههههههههههههههههه

فهد وانت مفهي فيه والرجال حس انك
منسم حب ينبهك بطريقته الله يرج ابليسك

اما انا عد واغلط في المواقف بس ماني معلمك
تمسكها علي تنشبني بها ،،،




تسلم يا ابو فارس

اخوك : سلطان

..

هههههههههههههههههههههههههههههه

أبو فاآرس عواآفي

موضوع تستاهل عليه تقييم

,,’

اما بالنسبه لموقفي اللي مستحييييييل مهما طال بي العمر أنسآه ,

كان أيآم الدرآسه وانا بالمتوسطه كان يوم سبت وعلينا الحصه السآبعه نصوص { أدب }

المهم الحصه السابعه الواحد يالله يشيل رآسه

أنا من الطفش والفضاوه والجوع في نفس الوقت
قطعت ورقه من دفتر وجلست اعلج فيها < :p

المهم دخل المدرس ونسيت الورقه وخشيت جو وصرت كأني أكل علك مو ورقه

جا المدرس ناظر فيني قال عبدالله احذف العلك بالزباله قلت على أمرك ,

قمت وحذفت الورقه بالزباله

قال ما سمعت لها صوت ؟

قلت لأنها مو علكه اصلاً ورقه

ضحكو الطلاب وضحكة الأسره وانا اهز راسي معهم

يوم سكتو قال : ترا ما ياكل الأوراق الا البقر

ناظرت له بأبتسامه وسكت

بعدين قال اذا رجعت للبيت حط عليه ملح ترا يطلع كويس

هنا عاد انا انقهرت حسيت انه سمجها

قلت له ايه صح مجرربها الله يحفظك :p

انا بمجرد ما قلت كذا ضحكو الطلاب

لكن هو طلع له قرون وصار شيطان وطلعني المدير وقعني تعهد وكله علشان الورقه اللي عليها ملح

توته توته أنتهت الحتوته :p

لو انا مكانك يابو فارس تدري ويش ابا اسوي ابا اصفع الطالب اللي جنبي لأنه هو السبب
تبا موقف صار لي اقولك وتكرم
كان عندنا مدير للمدرسه الله يرحمه ويسامحه اسود من اهل مكه اسمه عبد الصمد علي كنوي وكان زارع في قلوب الطلاب وزارع طماطم في حوش المدرسه ومربي ارانب وكان شديد معنا يضربنا عند اتفه الاسباب المهم انتقامآ منه دخلت انا ومعي واحد ذيابي الله يذكره بالخير اسمه عبد الله مرزوق وكسرنا ارقاب الارانب وحنا منهمكين في عملية الاغتيالات الا وهو واقف على باب الشبك جبهته تقول صفاة ممطوره وقال اطلعن يابنات الكلب وكان معه شاكوش خووي الذيابي طلع من تحت يدينه وفرك وانا اكلتها وصكني بالشاكوش على راسي وليني اشوف النجوم تهاوى على وجهي ويوم رحت علمت ابوي الله يرحمه قال عند ويش ضربك قلت كسرنا ارقاب ارانبه قال تستاهل وقصصنا مع هاك المدرس كثيره لاكن الله يسامحه ويرحمه كنا كل يوم سبت ننشر عنه دعايه انه اكله الكهرب ومات والمشكله انا ما نعرف الكهرب ويش يعني وبعد مده فعلآ صعقه الكهرب في غساله كان يشتغل فيها في بيته في مكه حسب ما روي لنا
الركب واجد يابو فارس موعدنا في حلقه قادمه نكمل حكاياتنا مع هاك المدرس

الله اقسم بايه ههههههههه
كان قلت مش كديه يامعلم ورديت اله من السامع للدامع :36_6_8:
------

والله التوصيف هههههه صفاتن ممطوره ههههههههههه تصلح في قصيده
ابو رامي الله يسعدك اثرك مذي يومنك صغير وراعي مشاكل
لكن عطنا قصه ثانيه من المواقف المضحكه اللي مرت علاك
00-0
وانا والله صارلي مواقف محرجه لاتعد ولاتحصى وبعضها يمكن انسى اسمي ولاانساها
سريت ليله ماسميت بالرحمن لواحدن ابا اعزيه واول ماوصلت بيته صدمت سيارته ونزلت وانا مرتبك وبعضي يركب بعض واعاين فالسياره ليا الوضع مزري قلت هالحين اقلط عندهم واعزيهم واعلمهم باللي صار والا اعود للبيت وبعدين اعلمهم والا وش اسوي واقوم اضرب الراي بالراي لين ظهرلي ولد راع البيت وبعد شافني قلت امنا بالله نبا نقلط ويفرجها ربك بعدين نعلمهم واول ماقلطت حطيت رجلي فالقدوع وارثع في فناجيلهم ومعاميلهم وانا اخذ المجلس من يمين اسلم واعزي ويوم خلصت قالو اجلس تقهو قلت لا والله مستعجل ابا امر فلان وفلان اعزيهم وهم مايدرون وش سويت داخل وبرا :d وانا واقف وسط المجلس دخل علانا شايبن من الربع ومن الشيبان اللي اقدرهم واستحي منهم واحترمهم اشد الاحترام وحين قال السلام عليكم وانا ازرقه اول واحد ابا اسلم علاه واظهر قبل اموت في جلدي ويوم حطيت خدي على خده وعقالي يميل بغا يطيح وانا ارفع يسراي ابا ارده ويدي الله لايبلانا تقول انها ماهيب يدي اباها ترد عقالي وخميت اذن الاجودي من غير شعور وجمّعت على اذنه بقوتي كلها لين طرحت عقاله وبغيت اكسر رقبته الله لا يسلط علانا وافهق بعد تميت ومازالت يدي مصره على مسكة اذنه وانا اردها سلام بالخشم ابا ارقع ولاتنترقع وعيونه مطايير في وانا افك اذنه وعقلي يغيب ويحضر وهو يعاين في بسكات قلت معوضن بخار وهو يهز راسه وانا اطلع من المجلس كني طالعن اجرد واغير للسياره مبا احد يشوفني ولاابا اواجه احد ولاامرحت هاك الليل افكر فاللي صار وادور احسن عذر للشايب والسياره والفناجيل والتمر ماهمتني قلت مالي الا اجيه واعتذر عن اللي صار واقول سكران والا مجنون واليا العذر اقبح من الفعل لكن شوفولي حل طراه المواقف المحرجه

الله لا يمسيك بالخير على سالفتك والله لن حصلي جلطه والا تمزق في صدري انك انت السبب والله ما كملت القصه اقرى سطر واضحك
اعوذ بالله من الشيطان الرجيم
ميتهم ما بردت حرتهم عليه وسيارتهم مصدومه وقدوعهم ما طي فيه وفناجيلهم مكسره وممصوهتن اذن عودهم والله ما مر علي مصيبه اكبر من كذا هههههههههههههههههههههههههههههههههههههههههههههههههه هههههههه

الظاهر أن مدعي علاك هاك اليوم