أقرب شاعر
 

مساء الخير لكل من في المنتدى نبا نلطف الجوشوي ونسلي خواطرنا

ياسلام الله سلام(ن) دايم في زياده
بين ربعي هل الطالات وأهل الحمية
العبوا يالنشامى وكل(ن) يقدح من زناده
وكل سية ماتبعها يالنشامى غير سية

الله . الله . ننتظر الاخوان الشعار

خطاف أرحب مليون

انا برد عليك يابعدي لكن لو تركز فالشطر الأول من البيت الثاني أكون شاكر لك

كأنك لافن الدرقسون شوي لكن ما عليه موترك يمشي

استلم

مرحبا والسيف يسحل في محل حداده
عد ما غنى على غصن الشجر قمريّه

ليت بعض الناس يهجر ديرته وبلاده
لأجل ما يلدغ بسم الداب ولا الحيّه

عبد الله مسؤوليتك كمشرف وشاعر يشهد لك الكثيرون أن
توضح له مافيها شيء وانا اشوف ان اخونا وصديقنا
خطاف بادي وعنده قدرة يكمل وكلنا هكذا في البداية
المهم امتلاك الموهبة وهي واضحة وجلية عند خطاف
لكن اخوي العزيز خطاف الشطر الثاني من بيتك الاول
اللي هو هذا : بين ربعي هل الطالات وأهل الحمية
على لحن او بحر والشطر الثاني من البيت الثاني
اللي هو هذا : وكل سية ماتبعها يالنشامى غير سية
على لحن آخر ،،والشطور الاولى يا خطاف وانا اخوك
يبي شوية تعديل بسيط وكلها تميل للحن الشطر الثاني
من البيت الثاني واسلم طريقها للوزن للمبتديء هي
غناء البيت والتأكد منه ويجب على الشاعر لوزن البيت
ان يرخي او يرهف السمع للحن عند سماعه حتى يحفظه
ويؤديه بشكل سليم ،،

وياخطاف اهم شيء الاستمرار وتعليقي هذا لايعني انني ضدك
او ضد بدعك او حتى ضد رد ابو عابد لكن كل مااريده هو ان افيدك
ولو بشيء قليل وهذا واجبي وانا تحت امرك في اي شيء،


كل التقدير لك
أخوك : سلطان

..

وكل سية ماتبعها يالنشامى غير سية




وكل سية ماتبعها يالنشامى غير سية

ابو ديمه ارحبووو

انا ما أعيب خطاف الله يحفظه لأهله مفردآته كويسه ومستقبل شآعر ’’

لكن المحاوره لازم يجي فيها ذبح ومذآبح :p

وكلامك لا يعلى عليه يابو ديمآ,’

أنت شآعر كبير وما هو أنا اللي يشهد لك وكلنا نحاول أن نرتقي إلى مستوآك فقد أصبحت بالنسبة لنآ

طمووح نحاول الوصول إليه

لك الثنآء ’

مساء الخير لأعضاء المنتدى ومن موجود معنا
أخوي سلطان وعبدالله شاكر ومقدرلكم على هذا الراي والمثل الشعبي يقول< أكبر منك بيوم أعلم منك بسنه>...............................
فإن ردودكم علي أعتبرها فائدة لي لاتقصيرفي فبما أننا من جماعة واحدة فلا على أحدنا لوم أن ينصحه أحدنا الآخر أويوجه الية المشورة في بعض الامور ليردة الى الصواب....................
*أما بالنسبة الى الشعر فانني أعتبرنفسي مبتدى في أول المشوار ..وباالله التوفيق..

.
.

خطاف شكرا لتقبلك وهذه خطوة هامة ان يتقبل
الشاعر راي الاخر مهما كان لتقدم باذن الله تعالي ،،

عبد الله ماعيك زود الله يعافيك ويرفع قدرك
وانا مثلي مثلكم ولا زدت عنكم بشي يعلم الله .

تحياتي لكم

سلطان

..

صح لسانك ياخطاف وصح لسان عبدالله الغنامي والمحاوله طيبه ولاهو عيب أن يتقبل المبتدأ النقد والنصايح ولكن أتمنا من الأخوان المشرفين فتح قسم خاص باالشعراء المبتدئين مثل باقي المنتديات لكي يتم التواصل معهم باالنقد والتصحيح ولكي يبتعد قسم الفتل والنقض عن لوم بعض الزوار من أبناء قبيلة الغنانيم أو عتيبه أو ضيوفهم من باقي القبائل وهذا وجهة نظر من محب لكم وكلنا كنا مثل خطاف في بداياتنا وتطورنا باالنقد والنصايح ولكم مني كل الود والإحترام.


أخوكم / صقر مطير

والله أحس أنك تبا تدمرنا مرة وحدة أوتبا تحطم جميع المبتدئين برائك هذا::::::::::::::::::