|
.. ارتماء ..
الاهداء لكل من يضيؤون متصفحي بقراءتهم الواعية :
مدخل / لضمان الفهم الامثل حاول عزيزي الزائر التركيز على مابين السطور فليست كل قصيدة غزل موجهة لأنثى ! . . ياغريبة دق حجلك وغنى كاحلك ................... لاحتفال الارض بخطاك يا العري الستير جيتي بساكن ومتحرّك ومن ياصلك ................... يدرك انه شاب راسه ولو سنه صغير جيتي وكنّ النسيم بيدينه شايلك ................... طحتي من الغيم واستبشر الضامي بخير ضمتك روحي وفلّ الفؤاد مجدّلك ................... وانسكبتي مع دماية ليا العرق الاخير صرت اشمّك واثملك وارجع اصحى واثملك ................... وانتي بهذي وهذي مثير ومستثير ارتمي لك تحمليني وانا اعود احملك ................... مانصير / ودون سبة كذا فجأة نصير في ذرى متني تذرّين خشية مقتلك! ................... ابشري باللي يشتت لك الجمع الغفير تلفظين اسمي براءة وانا شايل هلك ................... ذنب فــ رقبتي وفي دمهم مالي خشير دافنٍ مع جدي الاول خطام جملك ................... عقب ماعشيت ذيب الخلا كبد البعير ماعدى الله ثم عدايه حلفت ليجهلك ................... كامنه يادرة بدانة البحر الغزير في زحام الناس هذي عشقتي معزلك ................... تشرهين ! وغلطة العاقل اعياء الضمير جِدّك يغلف خيالي وانا رهن هزلك ................... يا الجمال القبح ياعايشة موت المصير اصعبك يبكي ويضحك من بكاه اسهلك ................... لان مايقدر كبير الهمم غير الكبير آخرك مجنون يلعب على شط اولك ................... واوسطك مسجون بهتان بعيون الضرير العمي له والسهر والتعب / والشوف لك ................... طالعي في النجم الاوحد ترى ماله نظير واسمحي لي بس لحظة على شان اسألك ................... ليش سعر العيش من قبضة الجوعى يطير المواطن بين تاجر وسلعتها هلك ................... هو بلدنا ليش يسكت على سلب الفقير! الملك مشغول بالحكم ونعذر الملك ................... بس وش عذر المحافظ و وش عذر الوزير! تحياتي للجميع : |
يعطيك العافية كل الشكر لك
|
سلطان كعادتك متميز بما تكتب فان كتبت الأدب قلنا شعرآ وان كتبت الشعر قلنا ادبآ
صدقني قريت القصيده اكثر من اربع مرات وكل مره يهيا لي انني سوف افك رموزها ولكنها تعود وتعصي علي مرة ثانيه . في البدايه كنت اعتقد ان معشوقتك انثى ولاكن سرعان ما تغير انطباعي وتحول الى اتجاه اخر حاولت ان اقرى ما بين السطور فلم استطع الا فك رموز بسيطه ولاكني ساؤعاود محاولاتي لعي افهم ما تعنيه ولعلي اصل الى قناعه بأن معشوتك هي وطنك وارضك او لعلها تكون مجموعه من الاحاسيس التي زرعتها ثقافتك وهذا نتاجها يظهر على شكل قصيده وطنيه تحاكي هموم المواطن البسيط الذي يجد نفسه مهمل في خضم تقلبات الحياه المتسارعه او لعلها الحياه نفسها او لعلها الآم او لعله الأمل او او الخ ولاكن من يقراى هذه القصيده يجد نفسه يدخل في سلسلة من الأبداعات والاحاسيس مما يجعله يوئمن ان خيال الشعر ليس بخيال وانما حقيقه ولاكنها حقيقه ليس من السهل الوصول اليها او الاقتناع بها . هذا ما استطيع ان اقرائه من هذا الابداع الفكري واتمنى لك دوام صحه البدن والعقل |
أبو ديما كعادتك تعزف على أوتار المشاعر والأدب العالي ويظهر في نصّك الجميل بساطه وزُهد أبو ديما بيّض الله وجهك ولنا الشرف إنك منّا ياملك الحرف
|
الله يعطيك العافيه
|
مشكوووووور والله يعطيك الف عافيه
|
الله يعافيك على هذه القصيده الرائعه والتي يكتنفها الغموض ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
اخوي سلطان قرأت القصيده اكثر من مره وكل مره ازداد انبهارا بها وبروعتها
تفرد لغوي لامثيل له وابداع بلاحدود وحبكة شعريه متقنه وادب رفيع ذكرتني قصيدتك هذه بوجدانيات زمن الشعر الجميل ولامست شئا في النفس سامحك الله حركت شئا راكدا ماتوقعت له ان يتحرك ولكن كلماتك فعلت به هذا تمنيت لو كنت شاعر لاجاريك في هذه الدره الرائعه شكرا لك شكرا شكرا شكرا00000 |
صح لسانك وبيض الله وجهك
|
ابوديمه لله درك وفيت وكفيت وصراحه شهادتي فيك مجروحه لا ني من جمهورك تقبل ودي واحترامي لقلمك الرائع وشخصك لاروع
|
| +4. الساعة الآن 10:32 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط