|
زادت القعشريره
حاب اكتب بعد غيبتن مدت شهر من هالحين هاذي
قصت اخ العرب مع الغزل العذري فذري مالي دخل ماهوب انا انه هو لاتشرهون عليه وانا بري طري يالغنانيم والروقه وعتابه الهيلا لحيث اني رجالن شقردي وماحب التغزال والخرمطه والمرمطه المهم قال يقول هو وهو متسلقى في الحوش قصته مع الغزل طويله شوي بس تحملو المهم وانا في عز النوم والسعابيل جاي الها جاده والا فجأه .... رن التيلفون وطبعن تيلفوننا شاييل ابوي كل الارقام ماعاد الا 9 و 8 يعني ما ندق الا على الشرطه والدفاع المدني وغييره ما فيه المهم رفعت السماعه واقول نعم الا وذاك الصوت اللي يرد الروح صوت بنت واخووكم إذا سمع صوت بنت اووجعه بطنه وانواع اللإسهال قالت الووووووووو انا ما عااااد عرفت وش اقول انشلت براااطمي وطلعت كني ياسر عرفات ربي يرحمه ال ال ال ال الووووووو قاالت ميت معاي ؟ قلت معاااك انا <<< جواب يدل على ذكاء وهي اللي تضحك وانا قلبي احس ما هو طبيعي قالبها سامري وتستنزل عندي الكبد والبنكرياس وقاالت سوسو موجوده ؟ قلت لها ما ينفع طوطو ؟ قاالت مين طوطو ؟ قلت هذا اسم الدلع حق الطاؤوس اللي هو انا وضحتك للمره الثانيه وقالت يؤيؤ شكلي غلطانه طيب اسفه قلت لها عادي لا شكر على واجب <<<وش دخل ذي في ذي وقفلت السماعه<<<تصدقون مدري وش صار في زادت القعشريره وافرازات خشمي زادت وتمنيت اني اروح الحوش وأنبطح واكتب قصيده يالله معقوله هذا هو الحب <<< يلعن ابو الحب اللي تعرفه يالضفدع وانا والله ما اعرف البنات ولا تعودت عليهم لان بيتنا ما فيه الا عشر طاعشر رجال ابوي وامي واخواني يعني عمري ما شفت بنت المهم قررت اني أتعرف على بنات بس فيه مشكله وحده اللي هي ان ما عندي اسلوب فما فيه حل إلا واحد من العيال صديقي عبدووووش معروف ان البنات ما يعووقون معاه وانا اللي اروح لعبدوش وعلمته بالوضع كامل قال عبدووش السالفه بسيطه اذا بغيت البنت تحبك حسسها انها احسن وحده في العالم قلت يعني اقولها انتي احسن من مردونا ؟ <<<نعن ابوك يالقديم وهو اللي يرفسني برجله في بطني وقال وش انت ثور وش دخل مردونا يالغبي انا اقصد انك تحسسها بانوثتها وان ما فيه بنت غيرها قلت يعني اذبح كل البنات واخليها وهو اللي يموه علي برجله ويمحطني بيده على جبهتي وقال انت حمار لازم اعطيك دروس عمليه ويطلع جواله ويكلم واحد مدري عبده ويقولي تعلم وردت عليه وقال هلا حياتي هلا عمري هلا رووحي انا لؤي حبيبك ومجنونك <<<الله لو اشوفه في الشارع اعطيه اسم شنتير المهم وقام يقولها احبك واموت فيك قسم بالله بغيت اقوم احبه يوم سمعت كلامه حسيت بشعور غريب المهم خلص وقال دورك بعطيك تكلم بنت وقل زي اللي قلته قلت له بكل خجل طيب وهو اللي يدق على بنت ويعطيني وانا اقول الووووووووووووو ويوم سمعت البنت إلا واللي تضيع علومي ونسيت كل الكلام وقلت لها بابا فين ؟ الا والكف من عبدوووش على قفاي وانا اللي اقولها هلا حياتي هلا عمري هلا تعالي قالت البنت طيب وبعدين ؟ قلت انا بدونك مثل الكيبورد بلا فاره مثل التقاطع بلا إشاره مثل الددسن وانتي الغماره انا الصرصور وانتي البيارة انا طوط طوط طوط طوط طوط طوط<<<قفلت الخط في وجهه قال عبدوووش وش فيك ؟ قلت ابد الخط مشغول <<< ما يعرف يصرف وعبدوووش يطلع خيزرانه ويمحط ابوي جدي المهم رجعت البيت ونمت وصحيت على رنة التليفون وارد إلا هي نفس البنت اللي كلمتني تبغى سوسو قالت سوسو موجودة ؟ قلت شوفي بيتنا كله شباب وكلنا اسمنا خالد مافيه احد بحرف السين الا اخوي الصغير اسمه نايف ونناديه عبد الرحمن <<<وش عنده عادل امام والبنت تكرها ضحكه وقالت ما شاء الله دمك خفيف ( على بالها استهبل ما درت اني دلخ من جد ) وقلت شكرا ومسوي مؤدب وسألتني البنت كيف شكلك ؟ والله البلشه وش اقولها ؟ المهم بدا البكش وقلت انا عيوني زي راغب علامه وفمي زي جواد وخشمي زي رامي عياش مملوح مثل راشد الماجد ( ما باقي إلا اقول صلاح الشرنوبي واصير اوبرا ) البنت صيخت يعني راحت شربه وملح وقلت وانتي قالت انت تشوفني وتحكم وانا يجيني اسهاااااااااااااااااااااااال يعني بشوفك ؟ قالت اوف كورس <<< مدري وش معناها بس اعتقد انه زيت سيارات قلت متى اشوفك ؟ طبعا البنت مستعجله على الوصف اللي قلتلها قالت بكره في السوق بعد صلاة العشاء وانا اتلخبط يعني لو رحت ورشه يبغالهم اسبوع سمكره وصنفره المهم جا بكره ورحت الصالون وحلقت على الثلاثه واسوي السوالف سبعه ورحت السوق على وعدها وانا جالس عند بوابة السوق جالس جنب كيس زباله اتصلت عليها وينك حياتي <<< صار جريء وملسن قالت انا هنا جالسه جنب واحد اهبل وانت ؟ قلت انا جالس جنب كيس زباله واناظر جنبي في الكيس الا وهي بنت ونفس الصوت اللي يكلمني يعني هيه وانا اناظر مكذب ومصدق انتي قالت هذا راغب اللي تقول يالشيفه يالمصدي يالمروح انا كيس زباله قلت قومي انتي وجهك فارقي قالت حلوه قالت انت جدك غوريلا ولا ايش ؟ المهم طحنا في بعض محشات وسب وتعليق واخرتها حرمت الغزل والتغزل خخخخخخخخخ اهب ياهالغليم الشيفه |
هههههههههه
من جد قصه تموت ضحك الله يرج سموك تشكر على القصه هواوي داج |
يا هلا بالهواوي الداج ... ابك انت وين كنت احسبني فقدتك يا هلا بعودتك 0
|
المشاركة الأصلية كتبت بواسطة عبدالله الهاشمي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif هههههههههه من جد قصه تموت ضحك الله يرج سموك تشكر على القصه هواوي داج ربي يسعد سمو سعادتكم يابيه وضحكه دايمه:36_1_11::bye1: |
المشاركة الأصلية كتبت بواسطة مخاوي الذيب http://www.gnanim.com/vb/images/gnan...s/viewpost.gif
http://www.gnanim.com/vb/clear.gif يا هلا بالهواوي الداج ... ابك انت وين كنت احسبني فقدتك يا هلا بعودتك 0 بك البقا ياريح الزعفران والمسك والكادي يبن بلادي ياخوي الذيب الامعط و يابعد حشاشت جوفي وقرموص النافوخ الي افكر به :sadwalk: |
هههههههههههههههه شكرا علي الموضوع
|
تبغاني اقولك الصحيح والا الصدق انت تصلح سي مصمم سيناريوهات الافلام العاطفيه الممزوجه بالكوميديا
وتراك من اللي انا عاذرهم من الافصاح عن اساميهم الحقيقيه لانك شكلك من هل المقانيص نرجع للجد صدقني موضوعك جميل جدآ ومسلي اتمنى لك التوفيق ونبغى نشوف موضوع جديد وقصه جديده |
المشاركة الأصلية كتبت بواسطة ابوعليط العطاوي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif هههههههههههههههه شكرا علي الموضوع ياهلاوين بالبروفسور ابو عليط العطاوي الروقي العتيبي تشكراتي واشواقي الحاره:bye1: |
المشاركة الأصلية كتبت بواسطة ابو رامي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif تبغاني اقولك الصحيح والا الصدق انت تصلح سي مصمم سيناريوهات الافلام العاطفيه الممزوجه بالكوميديا وتراك من اللي انا عاذرهم من الافصاح عن اساميهم الحقيقيه لانك شكلك من هل المقانيص نرجع للجد صدقني موضوعك جميل جدآ ومسلي اتمنى لك التوفيق ونبغى نشوف موضوع جديد وقصه جديده خخخخخخخخخخخخخخخخخخ يافضحي فضحاه من سعادتكم يا ابو رامي انت وراك جيت وانا داسها هنيا خخخخخخخخخ وربي ماتنترقع فلاكن تشرفنا بسعادتك يافندم بيه ابو رامي:36_15_4::36_15_13: |
الله يرجك انت وينك من زمان ما قرينا اللك شى على العموم مثل وجهك ماير لاتعيده ذبحتنا باالاكذاب دورللك على موجه ثانيه وتراك للك وحشه ياغالي ولاتطول تراك ملح المنتدي من غير قصور في ربعنا وملاحضه لبو رامي اترك عنك اعتراف هواوي الين اي يتسنع ويصير عاقل وتقبلو مروري
|
| +4. الساعة الآن 06:02 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط