|
الصعبه
اطوع الصعبة علـى ساحـة القـاف=وابسط يمينـي فـي مداهـا طويلـه واكتب حسين القاف وابعد عن الهاف=ماشاقنـي بيـت حروفـه هزيـلـه واسبح بحور الشعر والفكر مجـداف=وارسي كمـا ترسـي جبـال ثقيلـه واجمع محار العز واكـب الاصـداف=وانسج حروف المفـردات الجميلـه حتى يجي شعري على روس الاشراف=ذيب قنـب بالليـل تسمـع عويلـه في غاية يسعـى لهـا كـل عـراف=ولاشوقـت سـود القلـوب الذليلـه لا ماكتبت الشعر ابا صـورة غـلاف=ولا ابيه تمدحنـي ضعـوف القبيلـه ابيه نجـم لاأظلـم الليـل ينشـاف=يبقى علـى روس الخلايـق دليلـه وابيه غيـث لانـزل كـل مشـراف=يروي عطش كل الحـزوم المحيلـه لاعلها وسـم مـن البـرق كشـاف=تصبح كمـا فـرش زهـوره عليلـه وابيـه يرفانـي لاصـارت اكـلاف=مالـي عضيـد الا العظـام النحيلـه شلت الحمول الكايدة لو هي اضعـاف=لـي هامـة ماتهـتـوي للقليـلـه لو قسمو حملي على كـل الاكتـاف=يبـرك جملهـم للحمـل مايشيـلـه حمل الجبال اللي من الحمل تنعـاف=عافت وحنـا مـن جهلنـا نشيلـه |
صح لسان شاعرها ومشكور وماقصرت بناخي الله يعطيك العافيه
|
صح لسان الشاعر ومشكور بناخي الخلاوي
|
صحت ابدانكم والقصيده من ابداع بناخي الخلاوي
|
صح لسانك
تقبل مروري |
صح لسآنك يا إبناخي الخلآوي
شاعر جزل والقصيده جزله لك الثنآء |
صح لسانك يالبناخي
تقبل مروري |
صح لسانك يالبناخي ...............مبــــــــــــــــــــدع ........ دمتم بود
|
مبدع يا بناخي الخلاوي مدري الخلاوي نفسه من شاف هذا الابداع وما قالك مبدع ماعنده سالفه
|
الف الف شكر لكم على الاطلاع والردود الجميله
|
| +4. الساعة الآن 11:17 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط