http://www.kumailplus.com/wp-content...01-284x300.jpgالإعصار جونو، كاترينا، نويل، ريتا، بالوما…
منو هالفاضي اللي يحط هالأسامي؟




يمكن السالفة شوي مشهورة مو بمستوى جلسة سوالف
الأسماء هذي تختارها إدارة الطقس الدولي وتحطها بغرض متابعة أخبار العاصفة أو الإعصار بصورة سهلة إعلامياً للناس وخصوصاً اللي بتأثرون منها.

عملية التسمية بدت سنة 1953م لما خدمة الطقس الدولية قامت تحط أسامي إناث (أو بتعبير أدق أسامي حريم http://www.kumailplus.com/wp-content...kml_updown.gif) للاعاصير والعواصف. يقولون رئيس المنظمة كان حاقد على حرمته ما تعرف تطبخ وقال الشبه كبير بين المصايب اللي تصير من ورا الحريم والعواصف، يعني لازم تصير أسماء حريم بس!

مزودها من عندي شوي http://www.kumailplus.com/wp-content...s/kml_grin.gif

يقولون كانوا يسمونهم بأسماء حريم بس لأن كلمة Storm مؤنثة بحد ذاتها بالانجليزية

المهمممممممم، بعدين بسنة 1979م قامت منظمات حقوق المرأة وسووا مصايب وأعاصير وعواصف لين غيروا هالسياسة وصارت تشمل أسماء ذكور أيضاً … تباً http://www.kumailplus.com/wp-content...ns/kml_dry.gif.


قائمة الأسماء تكون جاهزة مقدماً كل 6 سنوات، والإسم اللي يتبعه إعصار مدمر وراح منه ضحايا يشطبون اسمه من القائمة ويحطون مكانه اسم ثاني عشان لايجيهم النحس مرة ثانية. وهالنظام مطبق أكثر شي على الجزء الشمالي من المحيط الأطلسي والعواصف اللي تمر عليه، أما بقية الأجزاء في العالم تلقون في اختلافات شوي بالنظام.

كل جزء من العالم له قائمة أسماء مختلفة عن غيره، وكلما كان الجزء معرض للعواصف أكثر كانت القائمة فيه أطول عشان يقدرون يستوعبون العدد المحتمل من الأعاصير. يعني بمنطقة شمال المحيط الأطلسي مع نهاية موسم العواصف سنة 2004م كانوا مستخدمين 232 اسم حددوها لعواصف مرت عليهم خلال الست سنوات (من 98 لي 2004)، وهذا يفرق كثير عن عدد العواصف اللي مرت على المحيط الهندي مثلاً خلال نفس الفترة (تقريبا 60 إعصار) كونها منطقة أهدأ نسبياً. عشان كذا سياسة التسمية شوي تختلف عن اللي شرحته فوق ببعض المناطق واللي يبي التفصيل يقدر يراجع المصادر للاستزادة.

شوفوا الأسامي اللي اختاروهم ممثلي سلطنة عمان الشقيق بالاجتماعات اللي فاتت مع اللجنة المعنية بالموضوع:

باز، سدر، ورد، مرجان، هدهد، ندى، لبن أو لبان، مها.

والله احسن أسامي http://www.kumailplus.com/wp-content.../kml_happy.gif

وهذي القائمة الخاصة بأسماء العواصف والأعاصير اللي مجهزينها للجهة الشمالية من المحيط الأطلسي والموسم اللي احنا فيه الحين (2010 إلى 2016م):

http://www.kumailplus.com/wp-content...894836554.jpeg

وبس