منتديات شبكة قبيلة الغنانيم الرسمية - ندااء الى جميع الشعراآء

سلام عليكم ورحمة الله وبركآته

كيفكم اخواني الشعرآء .,,

مسابقه لقيتها في منتديات الصحراء وشاركت فيها وقلت راح احطها في منتدانا

لأني اعرف جميع القبيله شعرااء :p

الموضوع كالتالي,/:

تكتب أربع ابيات وكل بيت يتضمن موضوع

البيت الأول

الحب

البيت الثاني

الأصحآب

البيت الثآلث

الأقرآب

البيت الرابع

الوقت او الزمآن ,,

انا راح اطرت مشاركتي كبدايه واتمنى التفاعل من الجميع

واتمنى من المشرف تثبيت الموضوع اذا كان فيه تفاعل اما اذا ماحد اعطااه وجه خله لا تثبته :p

طبعاً تكون على نفس القافيه على نفس مجاراتي للشآعر محسن الحمري

قال :

درست في الدنيا على يدّ الظروف اربع مواد
( الحب) و ( الأصحآب) و ( الأقرآب) و ( الوقت الردي)

الحب يعطي للغريد بلاد لو ماهي بلاد
والعاشق اللي ما طغى عقله على القلب يغدي

والصاحب اللي بينك وبينه حصل ملحٍ وزاد
اوفي معه لكنّ لا تضمنه وتروّح فدي

اما القريب اعطه حقوقه واخذ خط الإبتعاد
خلك بعيد اتصير في عينه مثل نجم الجدي

والوقت لا تعطيه وقت يلبس ايامك سواد
عش يومك وخل امس فات وخل بكره يبتدي

انا اقول في مجاراتي

الحب بستانـ(ن) يجي له باخر الوقت الجراد
ياكل حصيله ثم صحيبه صار ليله سرمدي

واحذر تصآحب واحدٍ دايم موجه لك زناد
يهرج لك هروج القفا دايم هروجه بالردي

والثالثه فاحفظ حقوق اهلك عن الناس البعاد
لو جات منهم ضالمه استر عليهم يابعدي

ماحدٍ لحق وقته ولو هو ينتخي فوق الجياد
الوقت يمشي ماحدٍ جابه ولو هو يعدي
وسلامتكم

أتمنى من الشعراء المجاراه على نفس القافيه والوزن والمواضيع الأربعه { الحب والأصحاب والأقراب والوقت ْ}

تحياتي للجميع

اخوكم / عبدالله الغنامي