سلام ياللي عليه الدمع مسفوحي
 

سلام ياللي عليه الدمع مسفوحي=طول غيابه وحال الياس من دونه
خبري به العام يوم الوصل مسموحي=يوم الهوى سنته للناس مسنونه
واليوم عني وزين الروح مطروحي=حسبي على اللي على بابه يردونه
ليلة فراقه بعيني عيت تروحي=دايم على البال تخطر دمعة عيونه
هو نور عيني حبيبي هو بعد روحي=وشلون ابقضي حياتي سالي بدونه
لي قلت ابنساه احس بنزعة الروحي=وان جيت ابلقاه عيو لا يخلونه
يفوح صدري على شوف الغضى فوحي=نار الهوى تشتعل بالجوف مكنونه
باقي على الود لوني فيه مذبوحي=لا خان عهدي وانا والله ما أخونه

صح لسان الشاعر
و مشكور اخوي رايد والله يعطيك الف عافيه