|
عديت في مرقبً والليل ممسيني
الشاعر / موهق الغنامي
عديت في مرقبً والليـل ممسينـي ... بديار غربً لعـل السيـل ماجاهـا اضحك مع اللي ضحك والهم طاويني ... طيه شنون الطلب وان قطرو ماهـا وراك ماتزعجين الدمع يـا عينـي ... على هنوف جديد اللبـس يزهاهـا هبت هبوب الشمال وبردها شينـي ... ماتدفي النـار لـو حنـا شعلناهـا ما يدفي الا حضن مريوشة العينـي ... الليا ضمينا شربنـا مـن ثناياهـا لعل من لامني يعطى عمى العينـي ... والا بشلفا جليل الفخـذ يشضاهـا عله فقيـر حقيـر وراكبـه دينـي ... واتلا حلالـه ذلـولً راح يطلاهـا والقصيـــــــــده اتوقع اطول من ذلك .. واللي يعرف تكملتها يجيبها لنا مشكوراً |
أرجو تثبيت ذلك أخوي جهز أنها لموهق لأنه كما تعرف كثر اللغط في نسبها لغيره
فقد نسبت للشاعر دخيل الله الدجيما وكذا لعبد الهادي الروقي ونسبت أيضاً لفهد العجمي . ، وأنا كما أعرف أنها لموهق الغنامي .. وذلك حسب المرجع في ((مجله شخصيات العدد الخامس الصفحه 74)) |
القصيده لموهق بن عجاج الغنامي
حيث كان موهق من رجال الشريف حسين حاكم الحجاز وعندما أستولو الأ خوان على الحجاز تحت راية الملك عبد العزيز خرج مع الشريف وبقي في الخارج عـّدة سنوات ثم رجع إلى نجد ولم يلبث أن عاد الى الخارج من جديد ولها قصه... وله قصيده أمام الملك فيصل مشهوره اسمع كلام ابن عجاج الروقي = ماهو كلام البومه الغزاوي ليا قالـّه قصيدة ٍ ملويـّه = يقول نحويه من النحاوي حكامنـا يعطون هنّ ومثله = ومعروفهم يقصر عن العطاوي ومحمد سرور يقلطونه على الشحم = ياكل عصوب الشاه والكلاوي ماقد قطع له فرجة ٍ مهيوبه = ماغير من جروى ليا الملاوي الغزّاوي : هو الشاعر الكبير احمد الغزاوي ( شاعر الملك فيصل ) يرحمهما الله وهو أحد شعراء الفصحى الكبار والمعروفين محمد سرور صبّان هو وزير الماليه يرحمه الله تو في موهـق رحمه الله ما بين عا مي 1367هـ / 1369هـ وقصايده كثيره ومنسوبه لغيره ،،، مشكور يابو فالح على ايراد هالقصيده دمت بخير,, |
رد: عديت في مرقبً والليل ممسيني
القصيده لموهق بن عجاج الغنامي
ومشكورين على المرور |
رد: عديت في مرقبً والليل ممسيني
دريد بن الصمه شاكر لك مرورك
|
رد: عديت في مرقبً والليل ممسيني
قرناس نجد يعطيك العاافيه على الابداع والتميز والحضور الجميل وكذلك على هذه القصيده الجميله للمرحووم موهق الغنامي,,,,,,,,,
دمت مبدع كمأنت ودمت بكل الود |
رد: عديت في مرقبً والليل ممسيني
مشكور اخوي
والقصيده مشهوره ولموهق وأشكرك على الموضوع تقبل مروري ذيب الغنانيم |
رد: عديت في مرقبً والليل ممسيني
مشكوووور على القصيدهـ الاكثرر من راااائعه
يآخوووك ذي يقوٍلوٍنهأ شيبآ‘نىآ يقوٍلوٍن لموووهق من حنأ صغأ‘رٍ يآ‘خوٍك دمتَ بخيرٍ |
رد: عديت في مرقبً والليل ممسيني
الله يرحمو شاعر جزل
|
رد: عديت في مرقبً والليل ممسيني
سميره العسلي
مشكورين |
| +4. الساعة الآن 10:16 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط