منتديات شبكة قبيلة الغنانيم الرسمية - قصيدة عبد الله بن عون في رثاء الفقيد بن جامع

يالله يلـي كلنـا مـنـك وإلـيـك
ما تآخـذه منـا ومـا بقيـت منـا
يا واحداً كل البشـر بيـن أياديـك
أجبـر عزانـا فـي فقيـدة وطنـا
ولا هوب أنا اللي يابوخالد مسميـك
سماك أبو متعـب زبـون المجنـا
الوافي اللـي ماتجاهـل مساعيـك
عبدالله اللـي يدحـم الضـد عنـا
يوم العزاء شارك لنا فـي تعازيـك
رغـم أرتباطـه وانشغالـه تعـنـا
عقب الوفاء الماضي مهوب متناسيك
جعـل الليالـي فيـه مـا يفجعنـا
والأسرة اللي شاركوا بالعزاء فيـك
جـو للمواسـى فيـك منـا ومنـا
مرحـوم ياشيـخ قبيلتـك تغلـيـك
وتشكر جهـود فيـك مـا يجحدنـا
أقصى القبيله كنـه أدنـا بنيخيـك
ميزان عدل مـن رجـح لـه تهنـا
ياكثـر نـاس شاملتهـم حسانيـك
من صافحنة بيـض اياديـك غنـا
عقب المتاعب والضمـا والتهاليـك
هــاذي فللهم فالـمـزارع تبـنـا
وياكثر مداحـك ويـا قـل شانيـك
وياكثـر صداتـك للأخصـام عنـا
واللي من الأجناب يسمـع بطاريـك
أمسـى بعـد فقـدك يـون ويحنـا
وعسى عوضنا يوم قفـت لياليـك
فالستـه اللـي سيرهـم مـا تونـا
تنهج بمنهاجك وتمشـي مماشيـك
وتـدرى مشاكلنـا وتقـدى ضعنـا
الستـه اللـي رافعتهـم مجانـيـك
عـز القبيلـه وومرانـا واهلـنـا
انتـه مناديهـم وخالـد منـاديـك
وحنا بعـد شـوف النتايـج ظمنـا
إن المناهج مـع مناهيـج أهاليـك
منـاهـج رايـاتـهـا يرفـعـنـا
وختامهـا الله بالتسامـح يجازيـك
ويحسـن ختـامـك يافقيدةوطـنـا
ودمتم بود