منتديات شبكة قبيلة الغنانيم الرسمية

هذه القصيدة للشاعر سلطان الجلاوي

كان يامنصور ابوك الصبح هـاوي
للمـراح ولا يـردنـه ظـروفـه

قله اني مع صلاة الصبـح نـاوي
اعطي الفكسار ليـن اكتـم بلوفـه

وان غدى للسير والمكره تعـاوي
ما على المشوار والطرقه حسوفـه

مانقيّل غير فـي بيـت الجـلاوي
بيت عود ٍ ماتريـح ليـن اشوفـه

شوف ابويه مايجي لي بالمنـاوي
شوف من يفرح ليا كثرو ضيوفـه

ودي اسلمّ علـى الحـر النـداوي
واتعـذر منـه واقـبـل كفـوفـه

لي شهر وانا على شوفه شفـاوي
بس وقتي ويش اسوي في صدوفه

كل ماينحي بـي الوقـت النحـاوي
اتحـرى ساعـة ٍ فيهـا نكـوفـه

يم ابوي ويـم مخلفـة الهقـاوي
البكار اللي لهـن نفسـي شغوفـه

ماحـلا قدامهـن جـر الغـنـاوي
لاكثح بـرق الحيـا وارزم قنوفـه

ماقهرناهن على الـواد السنـاوي
فاول الوسمي وفي مقـدم صيوفـه

الربيع ادنى المرابيـع الصـداوي
والعقوم اللي على الحـد معروفـه

وكان جا للصيف في الميثب حراوي
فالجنـوب اللـي مواريـده كلوفـه

قطفة الزملوق والعـود الطـراوي
شف ذود ٍ مانـرده عـن شفوفـه